سكر هانم امير مملكة الرومانسيه
عدد الرسائل : 383 العمر : 30 انت ساكن فين : فى بيتنا الجنس :
| موضوع: خطيب بارد موووووووووووووووت السبت 26 ديسمبر 2009, 11:35 am | |
| خطيب بارد جدا جدا
هو و هى مشيين على الكورنيش .. الجو حار .. الشمس محرقة
هي : عطشانة .
هو : وأنا كمان.
هي : يعنى ... عايزة اشرب!
هو : أكيد مادام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .
هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ماقلتش عايزة كانز .. كفاية إزازة مية ساقعة .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري . هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام!! .. ماأنت كان معاك إمبارح .
هو : إمبارح دخلت السينما مع بنت حلوة كده فالفلوس خلصت
هي : بنت حلوه ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم ريحه شياط يعني .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : والله البرص بيفهم عشان حبني.
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد
هو : يعنى مصممة تمشي؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : لااااااااااااااااااااااا
هو : ينفع كده ترمي نفسك في الميه مين هايوصلني بقى | |
|
zero cold الزعيم المدير العام مؤسس المنتدي
عدد الرسائل : 2891 العمر : 32 انت ساكن فين : المنزله - الدقهليه الجنس : الدوله : العمل / الوظيفه : المزاج : الاوسمه : mms : دعاء : sms : A heart dies when it is not able to share its feelings but a heart kills when another heart doesnot understand its fellings
| موضوع: رد: خطيب بارد موووووووووووووووت الأحد 27 ديسمبر 2009, 7:58 pm | |
| هههههههههههههههههههههههههههه
دا ايه البرود دا
بجد حاجه صعبه
دي المفروض تولع فيه
هههههههههههه
تسلم ايدكي يا قمر علي الموضوع الجميل دا
تقبلي مروري وشكري
الزعيم | |
|
Bring me to life عاشق وامير مملكة الحب والرومنسيه
عدد الرسائل : 524 العمر : 31 انت ساكن فين : alex الجنس :
| موضوع: رد: خطيب بارد موووووووووووووووت الأحد 27 ديسمبر 2009, 8:31 pm | |
| هههههههههههه
دا بارد اخر حاجة :) :)
تسلم ايدكى الموضوع جامد :) | |
|
سكر هانم امير مملكة الرومانسيه
عدد الرسائل : 383 العمر : 30 انت ساكن فين : فى بيتنا الجنس :
| موضوع: رد: خطيب بارد موووووووووووووووت الإثنين 28 ديسمبر 2009, 11:17 am | |
| ميرسى اخر حاجه لمروركو هههههههههه | |
|