تدخل الاهل الى اي مدى؟؟؟

موضوعك جميل
بصي انا راي طالما الواحد كبير وفاهم
اكيد مش هيكون اختيار غلط وطبعا محدش بيعيش من غير اهله
بس لما توصل لحد السيطره دي المشكله
يعني لما الواحد يحب واحده جدا جدا وتيجي مامته ترفض علشان تعند معاه
لانها كانت خطباله واحده وكانت في بينهم عدم ارتياح وسابها فترد الموقف انها ترفض حبيبته
مع ان العيله كويسه جدا ووضع كويس جدا واحترام وهي نفسها عارفه كده وبالرغم من كده رفضت
وطبعا علشان الحب ميضعش اتقدم لوحده ولما الاهل عرفه انه وحده وامه رفضه طبيعي علشان هما كويسين رفضه
والام اتفقت مع اعمامه كمان علي ابنها علشان يرفضه يجو معاه ده دليل علي عدم الحب مش ان الام بتحب ابنها وعايزاله الخيرهو اللي يختار لان هو اللي هيعيش ودي كانت تجربتي القديمه .


شكرا ياقطه علي مواضيعك المميزه
تقبلي مروري واسفه للاطاله

اولا انا بحيكى على موضوعك ياقطة
من راى انا ان الاهل هما كل شئ فى الدنيا كلها سواء الاب او الام
بس طبعا ليهم حدود فى التدخل فى حياتنا
لان من الطبيعى زى ما مدينة قالت دية حياتنا احنا مش حياتهم هما
بس فى حاجات احنا مش ينفع مش نتشير اهلنا فيها لازم الاهل برضو يكون ليهم وجهت نظر فى المواضيع الى بتخصنا
وخصوصا لما يكون خطوبة او جواز لان هما الى عارفين بيعملو اية
انما انتم يابنات عايزين تجووزو الانسان الى بتحبوة وخلاص مهما يكون مين هو
بس الاهل ليهم وجهات نظر لازم نسمعهم ونستفيد ونقيشهم فى سبب الرفض
تسلمى ياقمر على الموضوع
تقبلى مرورى
love story

وأنا بقى برأي الأهل ليهم علينا حق الأحترام والحب والطاعة بس لمايجوا يحاولوا يرسمولنا حياتنا بكل مافيها زي ماهم عايزين هاد صار اسمه تحكم وسيطره وكمان أستبداد في عمر معين ممكن ولازم لأنه بيكون لسه ببداية التجارب والحياة بحاجه للنصح ........ بس لما نصير فوق 24 لازم يصير في لغة حوار بينا وبين الأهل ويسمعونا لأنه لازم يكون عنا شخصية مستقله وأفكار ومباديء خاصه فينا وأصلا بعد هاد العمر بتكون تبلورت شخصيتنا وتكونت ... وطبعا نقاشي معهم لازم يكون مقنع ونبتعد عن لغة التهميش يعني تهميشهم من حياتنا متل ماقلكم دخل فينا وصرنا كبار وطريقة جدلية سيئة فلغة الحوار لازم تكون بأدب وعقلانية وإقناع آسفه للآطالة وشكرا .......

شكرا على الموضوع
انا راي مش رح نقدر ابدا نعمل شيئ ابدا من غير نصايح الاهل خصوصا الام لانو هما بيحكمه بالعقل وتجارب
يعني في حاجات احنا بنشوفها بقلبنا رغم انو لازم نشوفها بالعقل

الموضوع ده مهم جدا علشان دلوقتى فى مشاكل كتير بتحصل للشباب خصوصا البنات وسببها الرئسى البعد عن الاهل

ليه دايما البنت ممكن تكدب على اهلها فى حاجات كتير مع ان انا شايف ان الاهل لازم يكون مع ولادهم فى فترة المراهقة

شى جميل ان الواحد او الواحده يروح بيتهم بعد الجامعة ويقعد مع والده ومن غير ما يساله يقوله على اللى حصل وبكل

صراحة هتلاقى الابن فى راحة نفسية غير ان الاب او الام هتبقى فرحانه بولادها انهم مكدبوش عليها بس المشكلة

ان الاهل معودوش الابناء على الصراحة او مشجعهمش على الاعتراف بالغلط على نفسهم ويمكن الواحد بيخاف يقولهم

الحقيقة علشان هيكون فى عقاب حتى لو الغلط مقصود او غير مقصود بس بجد المشكلة ديه الغلط فيها الاهل

والحل بتاعها عند الاولاد هما مش هيغيروا ناس عاشت سنين بالطبع ده بس هيقدره يغيره المستقبل مع اولادهم

هو ده فعلا الحل فينا احنا لازم نخطط حياتنا على اساس سليم ونبنى فينا صفات تكون لاولادنا

وشكرا يا قطة على فتح مواضيع جميلة وانشاء الله دايما فى جديد

انا راي ان تدخل الاهل شئ مطلوب في حياتنا بحكم خبرتهم الاكبر وخوفهم علينا لكن انا عن نفسي في حاجات كتيره مكنتش بسمع فيها رأي حد بس لما كبرت عرفت ان كان اهلي معاهم كل الحق في كل شئ قالوه
لكن للاسف ادركت ده بعدين قوي فمن رأي ان لو كان تدخل الاهل من باب النصيحه والخوف ياريت ناخد بيهم لكن لو كان من باب السيطره و انا بقول ده لان بينهم خيط رفيع جدا خوف الاهل او سيطرتهم فلابد ان تكون ساعتها هناك وقفه باالنقاش معهم حتي التوصل لحل يرضي جميع الاطراف


موضوع مهم تسلم ايديك

تحياتي