تتبيله اللحمه :
ماء بصل بعد بشره طبعا
ماء طماطم بعد البشر برده
خل .. ليمون .. زيت .. زعتر .. شويه سكر صغيره .. كاتشب .. ملح . فلفل .. شطه حسب الرغبه .
تتبيله الفراخ : (المشويه)
ملح .. فلفل .. ليمون .. خل .. زبادي .. بهارات .. شويه كاري صغيرين خالص ريحه بس .. توم .. شويه زيت صغيره .
تتبل بيهم الفراخ ساعتين علي الاقل .
صوص ماكدونالدز بج ماك:
نص ك مايونيز
2 م صلصه فرنسيه
4م ص خيار مخلل مقطع صغير
ملعقه بصل مقطع
م ص خل .. م ص سكر .. 1/8 م ص ملح
تخلط جميع المقادير وتوضع في الثلاجه عده ساعات مع التقليب كل فتره حتي يمتزج الطعم .
صوص الشاورماااااااا :
بطاطس محمره نص تحمير
كوب زبادي ... مايونيز .. طحينه .. فصين توم .. 2 ملعقه عصير ليمون .. ملح وفلفل .
تخلط كل المقادير في الخلاط حتي تصير خليط متجانس وتقدم مع الشاورما واي مشويات وبالهنا والشفا .
سلطه الكولسلو بطريقه كنتاكي:
كرنب مقطع صغير شرائح
جزره مبشوره
3 ملاعق خل
شويه سكر مش كتير . ممكن نضيف ملعقه صغيره عسل نحل (لو تحبي )
ملح حسب الرغبه
كوب مايونيز او حسب كميه الكرنب
شويه صغيرين لبن حليب حتي يصير منتاسق القوام .
نخلط اللبن والخل والسكر مع المايونيز جيدا ثم نضيف الكرنب والجزر ولازم الخليط السائل يغطي الكرنب والجزر علي خفيف ولو كانت كميه الخل والمايونيز قليله ومش مغطيه الكرنب نضيف مايونيز تاني .
ونضعهم في الثلاجه 3 ساعات قبل التقديم حتي يمتزج الخليط مع بعض ونقلب من وقت لاخر .
الصلصه الفرنسيه:
2 م ص زيت
م ص ليمون
م ص خل
ملح وفلفل
يخلط الزيت مع الملح والفلفل ثم يضاف الليمون والخل بالتدريج مع التقليب المستمر حتي يغلظ القوام .
وتوضع في زجاجه وترج قبل الاستخدام .(تضاعف المقادير حسب الكميه المطلوبه والموغوب عملها).
طريقه عمل المايونيز :
2 صفار بيض
2 م ك خل
م ص مسطرده
2 م ك ليمون
شويه ماء دافئ صغيرين جدا ممكن معلقه
1و1/2كوب زيت زره .
الطريقه :
نضع صفار البيض في الخلاط ثم المسطرده والخلاط شغال طبعا في اتجاه واحد والملح والفلفل واليمون والخل ثم نضيف الزيت علي شكل خطوط رفيعه لا نضع الكميه مره واحده ونضيف حتي تصير كالكريمه واكيد مش هنستعمل كميه الزيت كلها بس لازم الخلاط يفضل شغال للاخر . مجربه وبالهنا والشفا
الأحد 24 يناير 2010, 11:34 am
