اشعار حزينة / موضوع يستحق المرور

بسم الله الرحمن الرحيم

ليتك تشوف اللي جرى وصار فيه
وتشوف ماشفته وارء سود الايام
اخفي جروحي في ضميري خفيه
كني سجين ينتظر حكم الاعـــدام
حكم القدر لاصار غصب عليــه
مايمنع المكتوب تحطيم الارقـــام




عزاه ياخلن سعى في عذابـــــــي
وانا عن عيون المخاليق اداريه
مدري نوى خلي يصفي حســـابي
ولا يبي يجرب غلاه وتغليــــــه
احترت مابين الخطاء والصوابي
وشلون محبوبي عذابي يسليــــه





قررت انا هجرك وقررت انســـاك
وسديت باب كنت لك هو بنـــيته
ماني بمثل اول احبك واهــــــواك
ليت حبي مات من قبل ليتـــــــه
خلك تحسف موت من حر ماجاك
ياواحسافه على حبي اللي عطيته



مركون بين البحر والبيت وحداني
ابني لروحي أمل وجروحي ا تهده
وامر قبل الغروب ارتب احزاني

اطوي شراع الهوى وانوح وامـــده
لايابحر منهو اللي ناسي الثانــي
انا او اللي هجر شاطيك من مـــــده




رحتي وفكري راح يابنت محتار
بين الرجاء والخوف طال انتظاري
الصمت يصلاني على واهج النار
يسري بتفكيري لبعض الطواري
ماعاد لي قدرة على كتم الاسرار
سري كشفته واصبح اليوم عاري




عني تغيب ايام تظهر لــها ايام
مدري ولع او قصدها زود تشويق
ان كان تشويق تراني من العام
ميت وحبك حي بين المــعاليــــق
وكانه دلع ياحسرتي منه لي دام
وش لو اقاوم سطوته ساعة الضيق




يانور عيـــني فــــرقتنا المــــقادير
والكل منا مبعدن عن خــــــــليله
حكم القدر ياصاحبي لازم يصــــير
وليا حكم محدن يحاول يزيـــــله
مدري من ايام الدهر حصل تقصير
ولا صدوف الوقت صارت بخيله



فزيت اسبابق خطوتي لاجل اعزيك
في موت حبك وانتهي من حياتي
وطيت ذاك الحب وعهود ماضيــك
ابعد خلاص اليوم بعدك غناتـــي
مات الوفاء والقلب ماعاد يرجيــك
ودفنت ماضـــــي حبك بذكرياتي