في زمان ضاع فيه الحب كيف ترضي من تحب

وحشتونى اوى ويا رب الموضوع يعجبكم
الحب فى وقتنا ده بقى زى الديليفرى يعنى بنلاقى ولد يكلم بنت على الموبيل وهو ميعرفهاش وفجأة بقوا صحاب طب ازاى وليه يقولك عصر السرعة طب العيب فى مين؟؟؟
واذا عشقت تعجز ان ترضى حبيبك فهو يريد منك اكثر مما تستطيع اعطاؤه فماذا نفعل امام هذه الانواع من الشباب والبنات (مش كلهم اكيد):
الشباب اولا:
اول نوع :عرف مليون بنت قبلك وايه بقى بيموت فيكى بس اول ما تقوليلو بحبك اوبسسسسسسسسس وقعت الطوبة فى المعطوبة وبقيتى زى اى بنت قبلك وخلاص طريقته بتتغير وبيبقى مش طيقك ويقولك (سورى مش انتى البنت الى بحلم بيها )ولو سالتيه ايه غلطتك مش هتلاقى اجابة لان هو اصلا مش عارف انو عايز واحدة تجننو معاها وتحبو ومتقولوش وكدة تبقى معرفتيش ترضى حبيبك

تانى نوع:بيحبك وعايزك تموتى فيه يعنى مهوس بيكى بس انتى بتحبيه باسلوبك يعنى مهما بتعملى بيحس انك بتعملى اقل ما هو عايز يعنى لو قالك بحبك عايزك تقوليلو مليون بحبك ولو هو عمل حاجة بسيطة لازم انتى تحسسيه انو ابدع وعايزك تديلو موبايلك وايميلك غصب عنك حتى لو انتى مش عايزة ده او شايفاه غلط وعمرك ما هتوصلى لدرجة الرضا والحب الى هو عايزها

تالت نوع :بيحبك بس عايز يبقى راجل عليكى اوى وقدام اصحابو يزعقلك وعايزك دايما تقولى حاضر ونعم
ولو نطقتى تقلب خناقة بس لما تبقوا لوحدكو يبقى ارق واجمد ولد شفتيه فحياتك بس غلطة واحدة منك وتقلب حريقة وبرضو مبتعرفيش ترضيه

اما البنات بقى :
اول نوع :بتحبك بس عايزة تعيش على مزاجها وشايفة نفسها يعنى تخرج وتتفسح ماشى وانت معاها بس متقولهاش اعملىكذا ولا كذا وساعتها تقولك انت مبتحبنيش والى يحبنى يخدنى زى مانا استفزاز بقى لو قلتلها حاجة تقولك احمد ربنا انى حبيتك ده انا مصر كلها بتجرى ورايا وبرضو عمرك ما هترضيها رغم انك بتحبها وخايف عليها
تانى نوع :بتحبك بس عايزاك تعمل الى هى عايزاه يعنى صحابك دول لا متلبسش كذا متخرجش مع دول
ومتخرجش الا معايا ولو حولت انت تقولها حاجة تقولهك حياتى يتدخل فيها ليه ولو منفزتش كلامها تقولك مبتحبنيش رغم انك بتحبها ونفسك ترضيها

تالت نوع :بتحبك موت بس روشاك وشكاكة يعنى كل خمس دقايق تكلمك وعايزالك تكلمها على طول وكل دقيقة تبعتلك بحبك ولو قفلت عليها تشك فيك وتقلك كنت مع مين وليه وتفتحلك محضر ولو حولت تقولها انك بتضايق تزعل وتقلك انك بتضايق من حبها ليك وبرضو متعرفش ترضيها

بجد نفسى فى اجابة على كل مشكلة من دول من كل حد يدخل الموضوع
طبعا انا عارفة ان مش كل البنات كدة ولا كل الشباب كمان بس دى نماذج من ناس انا شفتهم
وبجد ده اول موضوع ليا بعد رجوعى وبجد وحشتونى اوى ولازم اعرف اراكم كلكم ويا رب الى عندو حلول من الشباب والبنات يقولى يمكن اعرف اساعد اصحابى دول ويا رب الموضوع يعجبكم واسفة لو طولت عليكم او كان الموضوع اقل من مستوى موضوعاتكم

ده تقدري تقولي عليه سوء اختيار
يعني قبل الحب المفروض نفهم بعض
واظن الشخصيه بتبان من التعامل
ايه اللي يجبر الواحد ولا الواحده انه يكمل مع حد بالطريقه دي
ومينفعش نقسم البنات والولاد لنوعين يا ابيض يا اسود
لا طبعا اي حد في الكويس والوحش
هو كل المشكله تسرع او احتياج للحب ف بنحب في الوقت الغلط وسوء اختيار علي امل الوقت بيغير


ثانك يو رومانسيه

شكرا ليكي يا مدينه بجد واتمنالك التوفيق دايما