مــيـك الــمـنـتـدى !

مين قدك .. الميك بيدك !!أ
زيكم ياأجمل اعضاء .. دي فكرة وشوفتها ف منتديات كتير وطبعا محدش أحسن مننا

فكـرة مايـك المنتدي

لكــــــل عضو/عضوة .. صوت .. لابد أن يـُـــــــــسمع ..
وأحنا كلنا أخوات .. هنا ..
من واجبنا .. أن نستمع لبعضنا ..!

* ومن هذا المنطلـــق *
برزت فكـرة " مايـــك المنتدى "..
لذلك يحق للعضو المختاربمعــدل .. ثلاث ايام .فقط
أن يتملك المايك .. ويفصح من خلاله .. عما يريد قوله
دون تعدي منه لقوانين المنتدى..

## قــواعــد المــايــك ##

1) للعضـــــــو * صاحب المايك* :

لك أن تقول ما يحلو لك .. ( مقال .. خاطرة .. قصيدة .. تعرف بذاتك .. تتكلم عن نفسك وتجاربك )

ولما تخلص المده تكتب " أنا خلصت.. والمايك ليكـم "

ولك أن تجمعهم كلـــــــهم ..
فشعارنا هنا ..

(( ميـن قـدك الميك بيدك)) ..!!!

2) للأعضاء ..

عندما تقرأون هذه العبارة "أنا خلصت.. والمايك ليكـم "

هنا فقط .. بامكانكم .. الرد .. ولمدة يوم واحد بعد انتهاء صاحب المايك

وذلك بإبداء .. رأيك .. بالعضو نفسه .. !

" ماهي مكانة العضو .. بالنسبة للمنتدى .. ولك .. او أي شيء
بخاطرك تجاهه .. ممكن ان تفصح به له
أو بإبداء رأيك بما طرحه .. عبـــر المايك نفسه ..!

اذا سيكون هناك ثلاثة ايام للعضو إيلي معاه المايك0

ويوم للاعضاء بالرد عليه...

وهكذا

مــلاحظـــة

بعد ال3 ايام بتوع العضو المفصح ويوم الرد هنرشح عضو يمسك المايك
واللى هيرشح العضو الجديد هو العضو السابق بعد مايخلص الـ 3 ايام بتوعه
الأسئلـــــــــــــة .. ممنووووووعة منعا باتا ..

واي سؤال سيحذف .. لأنها فكرة مستهلكة .. بالإضافة ..إلى أنها ترهق ..

العضو نفسه .. وذلك بوجوب الإجابه عليها .. وربما سببت احراجات أيضاً ..!

سيتم منع جميع المشاركات .. وحذفها .. قبل أن يتحدث العضو الممسك بالمايك .. بذلك ..

" يعني .. ممنوع أي أحــد يرد .. على الموضوع .. حتى يقول العضو اللي معه المايك ..

* أنا خلصت.. والمايك ليكـم *..

وبعدها يفتح المجال لكم أيها الأعضاء

وذلك لإعطاء حرية أكبر .. للعضو .. في قول مايريد

كدا كل حاجة عن المايـك خلصت وأنا في إنتظـار آرائكم في الفكرة وياريت ياجماعة تقروا الموضوع تمام

عشان محدش يغلط وينسي ويحط رد أثناء 3 أيام العضو

وإن شاء الله لو الفكرة عجبتكم رشحو العضو المطلوب

ازيكم يا احلى واجمل اعضاء

النهارده هنبدا اولى ترشيحات ميك المنتدى

ويشرفنى ان اول عضو معانا هنا يكون ...... ؟

عضو من احب الناس ليا هنا
عضو مش لاقى كلام اقوله فيه
عضو احنا كلنا فى ضيافته

اكيد كلكم عرفتوه

هو
^

^

^

^

^

الزعيم
zero cold

شكرا ميزو علي الترحيب الجميل دا

شكرا علي زوقك الجميل يا ميزو بجد كلامك كتير عليا يا كبير

وانا هنا بجد الضيف وانتوا اصحاب بيتنا التاني منتدي كلام في الحب

والحمد لله ان ربنا قدرني وقدرت اجمع اسره زي اسرتنا دي واتمني من الله

دوام الحب والموده بيننا جميعا

بشكرك علي اهتمامك بيا وترشيحي في موضوع ميك المنتدي

واقدر اقولك ان المايك معايا دلوقتي وان شاء الله من بكره هتسمعوا صوتي

وان شاء الله يكون كلامي خفيف عليكوا ومضايقوش بوجودي

الزعيم

واحنا فى انتظارك يا زعيم

على احر من الجمر
شكرا ميزو انت دايما متميز

اشكرك ميزو مره اخري علي كلامك الجميل ..... شكرا فله لاهتمامك يا عسل .. ومرورك الجميل .. منوره المايك

انا هبدأ كلامي عن المنتدي ... عن المشرفين .. بصراحه انا بثق جدا في المشرفين .. بس للأسف ما لقيتش حد بيطبق

او بيستخدم حق الاشراف .. مش عارف اذا كان بسبب انهم مش لاقيين الفرصه .. بس هي موجوده

او انهم مش عارفين يستخدموا صلاحياتهم .. بس المشرفين الموجودين اذكيه واكيد عارفين ازاي يستخدموها

مش عارف اذا ما اخدوش بالهم اكيد .. علي العموم .. انا تشرفت اني يكون المشرفين للمنتدي ناس كويسه وناس

بحترمهم وبعتز بيهم

وبصراحه .. مدينة الحب اول مشرفه تستخدم حقوقها في الاشراف . وبتستخدمه صح .. وانا بحترمها جدا وبعزها اكتر

الزعيم

موضوعي التاني هيكون عن اسمي او بمعني اصح اسمائي

اولا zero cold

دا اسم شخصيه عجبتني جدا .. صاحب الاسم الحقيقي بيعمل في مجال الهاكر

عجبتني شخصيته وخصوصا اني من المعجبين جدا بأسرار الهاكر ..علشان كدا اسمي zero cold

اما الزعيم .. فدا اسمي علشان انا صاحب المنتدي فبدل ما حد يقولي يا زيرو كولد او يقولي يا مدير خليت اسمي الزعيم

بس انا مش زعيم علي حد انا الحمد لله بعتبركوا اسرتي وبحترمكم جدا وبعزكم اكتر وربنا يديم المحبه يا رب

اما شخصية صاحب القمر فدي عضويه كنت عاملها وشغال بيها من فتره

علشان كان حصل خطأ في المنتدي ومقدرتش اني ادخل بالعضويه zero cold فعملت العضويه دي علشان اقدر اكون في النتدي دايما

اسمي الحقيقي محمد عبده

الزعــــيـــــم

شكرااااااااااااااااا ليك ياميزو على الفكرة الحلوة ............

وأنته أكيد يازعيم منور كالعادة وأنته زعيم بكلامك وأفكارك وشخصيتك الواضحه أنها زي العسل قبل ماتكون زعيم المنتدى وبتمنالك التوفيق بحياتك وبالمنتدى اللي سميته أسرة كلنا شركاء في الحب .........

انا بصراحة مش كنت عايز اشارك دلوقتى لان قواعد المايك ان ماحدش يشارك باى رد الا لما العضو المشارك يقول انا خلصت واليكم المايك

بس قولت اشارك علشان الفت انتباه الاعضاء اللى بتشارك بردود قبل العضو مايخلص كلامه

رجاء من كل الاعضاء مايشاركوش الا لما العضو يخلص

ومش تنسى يا زعيم ان الـ 3 ايام بتوعك هيخلصوا بكرة
وبعد ما تدى فرصة للأغعضاء انهم يشاركوا ويردوا على كلامك

مش تنسى ترشح عضو تانى بعدك لأن قواعد المايك بتقول ان العضو المشارك بيرشح عضو بعده بعد ما يخلص فترته

مع خالص احترامى وتقديرى

اشكركم علي مروركم الجميل وكلامكم الاجمل

وان شاء الله يعدوا عليخير يا ميزو

شكرا علي كلامك الجميل يا مانو انتي الاحسن بمواضيعك وبكلامك وباحساسك الجميل

أشهد أن لا امرأة ً

تعاملت معي كطفل عمره شهران

إلا أنت ..

وقدمت لي لبن العصفور

والأزهار والألعاب

إلا أنت ..

أشهد أن لا امرأة ً

كانت معي كريمة كالبحر

راقية كالشعر

ودللتني مثلما فعلت

وأفسدتني مثلما فعلت

أشهد أن لا امرأة

قد جعلت طفولتي

تمتد للخمسين .. إلا أنت

كلماتي دي من كلمات شاعري والاب الروحي نزار قباني

انا مش عارف فيه ايه مختلف عن الناس .. بس الوحيد اللي لما بقرأ شعره بيشدني

ولما بسمع كاظم الساهر بيغنيله مش عارف بحس بكل كلامه بحس في بعض اغانيه انه بيحكي عني

دايما رومانسي .. دايما كلماته بتشدني

لما بكون متضايق اوقات كتير بحب اسمع لكاظم ولما بحب اقرأ كتب بقرأ كتب لنزار

اسف علي التقصير في حقك يا ميزو وحق الموضوع

انا هرشحك انت يا كبير

علشان تعرفنا علي اللعبه صح

وعشان انت احق واحد

اتفضل يا كبير ورينا شغلك

الزعيم

انا بشكرك يا زعيم

بس هى اصلا مش لعبة

هى اشبه بكرسى الاعتراف بس من غير اسئلة للعضو

بس طالما ان التوبيك اتنقل قسم الالعاب يبقى مفيش مشكلة

وانا بشكرك ع الترشيح وان شاء الله همسك المايك من بكرة

هبدا اول ايامى النهارده مع ميك المنتدى

واول كلامى هيكون عن المنتدى

اولا انا بشكر الزعيم (محمد عبده ) على المنتدى الرائع وعلى الاسرة اللى قدر يكونها

بجد انا حبيت المنتدى اوى وحبيت كل اعضائه وبجد بعتبرهم زى اخواتى ويمكن اكتر كمان

وكمان بشكر الزعيم على ترشيحه ليا
ولو كنت قلت اى حاجة فى يوم من الايام زعلت اى عضو ياريت مايزعلش لان ده اكيد

من غير قصد

ودلوقتى هعرفكم بنفسى

اسمى معتز (ميزو) وعندى 19 سنة

من مواليد برج العقرب

طالب بكلية حاسبات الفرقة الثانية

عندى اخ واحد بس اكبر منى

يعنى انا آخر العنقود زى مابيقولوا

انا من المنصورة اعتقد فى ناس تعرفها

بحب من المطربين عمرو دياب جدا جداومن المطربات جنات

اما الممثلين احمد عز واحمد حلمى والممثلات نور

مثلى الاعلى طبعا هو سيدنا محمد عليه الصلاة والسلام

اعتقد كده انى عرفتكم بنفسى وقلت كل حاجة

والمرة الجاية بقى اتكلم على حاجة تانية

سلالالالالالام

انا بعتذر عن الغياب والتأخير بس ده كان خارج عن ارادتى تماما

ودلوقتى هتكلم عن حكايتى مع المنتدى وازاى اتعرفت عليه

فى الحقيقة الحكاية بدأت انى كنت بدور على موضوع وعامل بحث فى الجوجل

ومن حسن حظى البحث فتح المنتدى ده

بصراحة انا كنت داخل المنتدى علشان آخد الموضوع اللى انا عايزه وبعدين اخرج من غير تسجيل

بس لقيت المنتدى ده حلو وحسيت ان اعضاؤه اسرة واحده

فحبيت انى انضم للأسرة دى وابقى واحد منهم

وبجد انا بشكر القدر اللى عرفنى على احلى واجمل اعضاء شفتهم

ودلوقتى معاد ترشيح عضو جديد

ومعانا فى ميك المنتدى

العضوة الجميلة

المعروفة بتوبيكاتها ومواضيعها الجميلة

معانا الرومنسيه

شكرا ميزو ستار على ترشيحك ليا

و بجد موضوع حلو

و يا رب اكون عند حسن ظنك

(( الرومنسيه ))

ان شاء الله يا قمر

وبالتوفيق دايما

واتمنى انك تعرفينا على كل حاجة من خلال ردك

وماتنسيش تقولى كلمة انا خلصت واليكم المايك بعد الـ3 ايام بتوعك مايخلصوا

اول يوم ليا فى ميك المنتدى

و طبعا لازم اشكر الزعيم لانه السبب بعد ربنا فى انه يجمعنا مع بعض على الحب و انى اقابل اخوات و اعضاء احبهم اوى

و اشكر ميزو انه رشحنى

و يا رب اكون عضو تستمتعوا بحديثه

(( الرومنسيه ))

احب اعرفكوا على نفسى الاول

اسمى <<< مى

بلدى <<< مصر ( ام الدنيا )

بدرس فى <<< ثانوى

ربنا يخليلى بابا و ماما و اخواتى

اهلاويه اوووووووووووووووووووووى

اكتر لاعيبه بحبها كل لاعيبه الاهلى و اولهم ابوتريكه

و بعشق كورة القدم

مطربى المفضل <<< اغانى عمرودياب && تامر حسنى >>>>

مطربتى المفضله <<< جنات && شرين عبد الوهاب >>>

اغنيه مفضله <<< بعشقك ل راغب علامه >>>

برجى العذراء علشان كده رومنسيه اووووووى

(( الرومنسيه ))

انهارده يومى التانى و الايام دايما مع اللى بنحبهم بتفوت بسرعه

انا مش مسجله فى اى منتدى تانى لانى بعد ما سجلت فى المنتدى كلام فى الحب عرفت انى مش هلاقى اصدقاء

احبم و يحبونى زى اخواتى فى كلام فى الحب

ايام كتيرة كن ببقى مخنوقه او عندى مشكله كنت بتكلم مع اخواتى فى المندى و كانو فعلا بينصحونى بالصح

و يخافو عليا

مع انى صعب ان حد يفهمنى بس لاقيت ناس بتحسنى هنا

سبب تسجيلى فى المنتدى

انا عندى موهبة التأليف و كنت و ما زلت بألف كلام لشخص غالى عليا اوى و حبيت الناس كلها تقرأ الكلام علشان عليه

و ليا اصدقاء كتير اوى فى المنتدى

حتى الاصدقاء اللى عمرى ما اتكلمت معاهم برده اصحابى من ردى على مواضعهم و ردهم على مواضيعى

(( الرومنسيه ))

انا سميت نفسى بالرومنسيه

لانى فعلا رومنسيه اوى و نتيجه الرومنسيه ديت انى بقدر الانسان اللى قدامى اوى و بخاف على مشاعر

اللى حوليا اكتر من مشاعرى

و عيبى اللى نفسى اغيره ان ممكن اى حد يضيقنى بسرعه و بزعل من الناس و لكنى بصفى على طول

لما بحب بحب بجد و بعطى كل مشاعرى للانسان اللى حبيته

فى حاجات كتيرة اوى بكرها زى

الفراق

الكدب

الملل

البخل

طبعا مش هقدر اقول كل الحاجات علشان مطولش عليكوا

لكن الحاجات اللى بحبها كتيرة برده زى

الحب بحبه اوى

الاخلاص

الكبرياء

الكرامه

و طبعا الرومنسيه

(( الرومنسيه ))

انهارده يومى الاخير فى ميك المنتدى

و بعد ما تعرفتوا عليا

و على الحاجات اللى بحبها

و على الحاجات اللى مش بحبها

اسمحولى اقول حاجه

فى حاجات لفتت انتباهى فى المنتدى

1- الاهتمام الشديد بين الاعضاء على رد على مواضيع الاخرين

2- الترابط بين الاعضاء

3- تواصل الزعيم بين الاعضاء

4- اهتمام الكثير من الاعضاء بالنهوض بالمنتدى

5- تنظيم المنتدى بشكل جميل

6- احترام القوانين من الاعضاء للمنتدى

مش عايزة اطول عليكوا

و يا رب نشوف المنتدى احلى منتدى فى الدنيا

(( الرومنسيه ))

فعلا كنت مبسوطه معاكوا

و فى نهاية كلامى

اشكر ميزو لانه رشحنى فى ميك المنتدى

و يا رب اكون عضو استمتعتوا بحديثه

و ربنا يوفقكم جميعا و يحقق لكل واحد الى بيتمناه

انا خلصت 000 المايك ليكم

(( الرومنسيه ))