البنات عايزه ايــــــــه

هل تعتقد انك تعرف البنات عايزة ايه

--------------------------------------------------------------------------------


تقعد مع أي ولد تلاقيه بيقولك "يا عم أنا عارف الستات دي عايزة إيه .. اسألني أنا" وواحد تاني يقول " أنا فاهم دماغ البنات بتفكر إزاي" تعالوا بقى نعرف إيه الحاجات إللي الرجالة فاكرين إنها بتجنن الستات.




الراجل دايما معاها وميسبهاش لحظة :


كل الرجالة فاكرين إن اللزقة للمرأة بتعجبها وإنها بتحب الراجل إللي دايما تحت عينها وميروحش بعيد أبدا، ولكن المقوله دي مش صح على طول الخط، فأحيانا تكون لزقة الرجل للست خنقة وتتضييع وقت ورخامة.



مساعدتها في الأعمال المنزلية :


من كتر ما المرأة بتشتكي في الحقيقة وفي الأفلام من إن الراجل رامي عليها شغل البيت كله، فالرجالة افتكروا إن مساعدتها في الأعمال المنزلية سيجلب عليها السعادة والحب، ولكن الموضوع مش سهل كدة، صحيح المرأة عايزة إللي يساعدها في البيت ولكن الراجل أحيانا بيقوم بالدور ده بشكل خاطئ ويدخل نفسه في حاجات ميفهمهاش ويبوظ الدنيا بفكاكته ونصاحته ويقلب البيت على بعضه.



الصراحة والشفافية :


وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته "هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله" وهنا بقى سلملي على الصراحة، وابقى قابلني لو الشفافية نفعتك.



الإصرار على دفع الحساب :

مش هنقول هنا إن المرأة مش دايما عايزة الراجل إللي يدفع الحساب، ولكن في بعض الأوقات وخصوصا في فترة التعارف بتبقى عايزة تبينله إنها مش فقيرة وإنه مشترهاش بفلوسه، وتعمل فيها عنتر بن شداد وتبقى عايزة تدفع الحساب، وكل ما الراجل يصر على الدفع هي ممكن تسترخمه جدا.




مداعبتها ومغازلتها دائما :

برضه مش هنقول إن المرأة مش عايزة إللي يغازلها، لكن تخيل كدة البنت تكون تعبانة ومتبهدلة وساقطة في الامتحان، وييجي فارس أحلامها بكل سماجة ويقولها "أنا بموت في جمال عنيكي" وهو طبعا فاكر إن الكلمتين دول هيخففوا عنها، ولكن العكس هو الصحيح، ويمكن تطلع غلها كله فيه.




الستات بتحب الرجل المهزار دائما :

وهنا الرجالة بيعتبروا إن الست تريد أن تسخسخ دائما طول ما هي قاعدة، وفاكرين إن المرأة تهوى الرجل الفكاهي إللي قالبها مسخرة وضحك وتريقة ومقضيها افيهات، ولكن احذر عزيزي الرجل فالمرأة أحيانا تريد أن تراك جاد وحازم في أمور عديدة ولا تنتظر

يا ترى انت فعلا عارف الستات عايزة ايه


مع تحياتى
الخبيـــــر اللى هو مش خبير فى الستات خالص :farao:

كلام صحيح 100 %

هههههههههه جامدة جدا وكلام مليون فى المية مظبوط تسلم ايديك تقبل مرورى

شكراBring me to life لمروك الكريم وردك البسيط اللى فيه كل حاجه بس عندى رجاء اليك ماتقلب اسمك الحركى الى اللغه العربيه النبى عربى ياعم ههههه أحسن أخوك فى الانجليزى طور الله فى برسيمه



أما فاطمه زعيمتنا أنا فعلا استغربت واندهشت بردك الجرئ ورأيك فى بنات جنسك وأنا أحيى فيكى شجاعتك وانا معكى فى رأيك وعلى الرغم من كده فى رجاله عايزين يخدوا مش فو ق دماغهم بس بس يخدوا بالقديمه .....
بجد أنا سعيد بمروك الكريم


مع تحياتى
الخبير

طبعا أكيد العسوله مرورك مقبول جدا والحمد الله أن الموضوع عجبيك

بس هههههه حاجه غريبه شكلك ماتفقه مع رأى مدينه الحب


مع تحياتى
الخبيـــــــــر :farao:

شكرا ليك للموضوع أنا مش عايزة حاجه من الراجل غير الأمان والحنان والإستقرار ....

الشكر ليكى أنتى مانو
ويارب يسعدك ويديلك اللى تتمنيه .
شكرا على مرورك الكريم .


ملحوظه :- لو مالقيتش الراجل اللى يحسسك الامان والحنان والاستقرار فى سوريا أنا موجود وجايز نعمل وحده تانيه بين مصر وسوريا الشقيقه اللى فاشلوا فيها زمان ههههه.


مع تحياتى
الخبيـــــــــــــر
:farao:

هههههههههه صوح وانا هتجوز واحد سورى ونرجع الوحدة العربية بقا ونبقى عملنا حاجة تذكر فى التاريخ بدل ماحنا زى قلتنا كدا مع احترامى للجميع ههههههههه

ههههههههه موضوع جميل وكمان
الصراحة والشفافية :


وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته "هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله" وهنا بقى سلملي على الصراحة، وابقى قابلني لو الشفافية نفعتك.
حلوه اوي بس موش توصلك لانها تقولها ملكة جمال ممكن تساله مثلا ايه رايك فيا ؟حاجه زي كدا
وبعدين يا بروف اقولك البنات عاوزه ايه البنت عاوزه الراجل اللي يحسسها بالامان ويخاف عليها
انا عارفه ان الراجل موش عاوز بتعقد انه اتجوز ماشي يا سيدي موش كان كول شب اقبل مايتجوز بيعاكس اكيد دي نصيحه للبنات موش يستي هايلاقي سعادته في كدا خليه يعاكس براحته بس المهم انه اختارك انتي في الاخر انتي حبيبته واللي قضل انه يكمل معاكي حياته خلاص خليه يفرفش بقي انا عارفه ان كل الشباب هاتوفقني في كدا اي خدمه يا شباب موضوع جميل مووووووووووت يابروف ويستاهل النقاش

المشكه هنا لما نجوز ايه الى حنشوفو الشاب الى يجوز يقول الجواز حلو جميل رائع وهو طالعه عين امه معاها نكد وقرف ولولا الملامه لكان روحها عند امها
هههههههههههههههه
موضوع جميل محمود
تقبل مرورى
احمد عبد الرحيم
ميدو

هههه محمود باشا ياويلكو مننا حنوريكو الويل هههههههههههه