اتلم يا واد احسن الملك

إتلم يا واد أحسن المك

مش خايف انى اقول لمك

ماشى ورايا وبتعاكس

داء البلا لما يسمك

طول الطريق عمال بتقول

كلام جميل وكلام معسول

لو إنت كدا زى ما بتقول

طيران عـَ البيت وابعتلى امك

كلام كتير انا مش عـَ يزاه

مش ناقصه رغى وقولة اّّّّّّّّه

إياك فاكرنى انا بتمناه

دا كلام كبير مش من سنك

عمال بتحلف وتواعد

قدام البيت علطول قاعد

جدعان كتير عايزه تساعد

مش خايف لـَ يكسرو عضمك

يابن الحلال ما تجيبها البر

ولا انت بشبابك تتغر

اياك تكون ناويلى على شر

بإشاره منى يسيح دمك

أنا ليا عزوه وبنت اصول

سدين الحاره عرض وطول

لو مش مصدقنى فـِ القول

يبقى انت إستغنيت عن عمرك

إسمع كلامى خليك شاطر

بلاش ملاوعه إوعـَ تخاطر

هات المأذون ومعاه دفاتر

أنا اللى هكون أخر صبرك

هههههههههههههههههه
كتير حلو هالكلام تسلم الايادي يا قمر

» مفيش احسن من الحريه لا قانون ولا مسؤليهههههههههههه
» احسن دربي في الوطن العربي و ثامن عالميا
» اثبتت التحريات ان البنت احسن من الولد تعالو نشوف
» الملك وزوجاته الأربع
» حصريا درس صوتى للشيخ محمد عبد الملك الزغبى بعنوان زكريا بطرس بين الجنون والكفر على اكثر من سيرفر