دنيا غدارة (من اقوى مواضيعى)

دنيا غدارة مافيها أمان تمشي وتحصدأعمار

دنيا دوارة تدورفينا سنين وتنهينا

دنيا ننخيها تصد دنيا كلها عج وغبار

دنيا قاسية حيل دنيا همها تشقينا

دنيا نبيها وهى ما تبينا تعزف على موتنا بأوتار

دنيا تضحك لنايوم وعشرة تعنينا

دنيا عجزت لاالقى في تعذيبها تبرير واعذار

دنيا حالتها غريبة تضحكنا وتبكينا

دنيا من اول من ابتديتهاالى هاليوم كلها اسرار

همها دايم هواها ولذيذها تغرينا

ايه قلبي حتى دمي اللي في شرايني غدا محتار

من الدنيا اللي تبينا بكيفها وتعمينا

صحيح الدنيا دواره والمصايب كلها اقدار

وادري ان شفنا بلاوي الناس هانت بلاوينا

لكني اشوف الدنيا بغمضة عين تنهار

تضيع مننا الاحلام وتخيب هقاوينا

يعني لو رحلت انا عن الدنيا وشى اللي صار

ماحنا سوى صفحة في كتاب الزمن والدنيا تطوينا

امنت بان الموت مايعرف صغار ولا كبار

الموت حق علينا ومن قسا الدنيا يراعينا

غطانا كفن وفراشنا تراب من حصى وحجار

وفوقنا ناس تبكي علينا ترثي وتنادينا

أم تصيح تقول ارجعي خلت من عقبك الدار

وأب يبكي يقول من بعدك شو تالينا

صدق من قال هالزمن دوم غدار

عشنا نرتجي به وضاعت به رجاوينا

ايه ماعاد به رجوى خلاص انتهى المشوار

وضاعت سفينتي برحلة الدنيا مالقت مينا