امتى تعرف ان اللى بتحبه بيحبك

موضوع مسنى فحبيت اجيبة ليكم
اجمل اعضاء فى الدنيا انا انهاردة جيت بالموضوع اللى الكل عايزه

بس ياريت اكون قدرت اعبر فى هذا الموضوع

امتى تعرف ان اللى بتحبه بيحبك


اكيد شاغل ناس كتير منا

لما تحس ان انتا بتحب حد وتفضل تفكر فيه وتتعب نفسك هو يا ترى بيفكر فيا برضه وبيحبنى ولا انا بتعب نفسى على الفاضى ممكن يكون الاحساس متبادل وده جمييييييييييييييييييل طبعا

لكن لو انتا مش متاكد من الموضوع ده
1_ازاي تعرف ان الشخص ده بيحبك ولا لا
2_ازاي تعرف ان الاعجاب متبادل
3_تعمل ايه بقي عشان تخليه ينجذب ليك؟
يللا احنا هنعمل زي استفتاء كل واحد هيقول رايه في الحكايه دي ونشوف اصح اراء فينا
بس ياريت اشوف الاجابات الحلوه منكم اللى اكيد هتنفعنا كلنا

.................................................. ......................

بالنسبه للسؤال الاول هتعرف ان اللي قدامك بيحبك من (ثلاث حاجات) *
....................................
1_نظره عينه ليك هتلاقيها كلها شوق وحنيه وشغف هتحس انها نظره غير نظره باقي البشر ليك

2_معاملته ليك هتلاقيه بيعاملك معامله خااااااصه لما تكلمه هينسي باقي الناس ومش هيسمع غيرك هيهتم ااووووي بكل كلمه تقولهالو

3_من العشره يا جماعه مش من يوم ولا اتنين تقول البنت دي او الولد ده بيحبني ماتحكمش بموقف ولا اتنين لا لازم تصبر بس عشان تحدد موقفك

لان العشره بتوضح حاجات كتير وقصدي بالعشره هنا مش الزواج يعني لا قصدي تحاول تبقي معاها طول الوقت ومن كتر المواقف منها معاك هتحدد سواء بتحبك ولا لاء لان ده شيئ بيتحس

بالنسبه للسؤال الثاني الاعجاب بيبان انه متبادل *
....................................
لما تلاقي ان كل خطوه منك للتقرب ليه او ليها بيقابلها خطوه منه للتقرب ليك مش تبقي انتا بتقرب وهوا بيبعد لو هوا بعد اعرف علي طول انه فهم اعجابك بيه ورافضه

*بالنسبه للسؤال الثالث (تعمل ايه بقي عشان تخليه ينجذب ليك؟)
....................................
انا هجاوب علي الجزئيه دي
بص يا سيدي طبعا كل بنت بتختلف عن التانيه بس فيه حاجات بتجتمع علها كل البنات لو قدرت تغير من نفسك هتقدر تحببها فيك

1_تكون شخصيه قواده لازم لان لو البنت شافتك منقاد ورا حد من اصحابك او وراها هيا حتي هتسقط في نظرها

2_تكون نظراتك جريئه وثابته بحيث انك ما تبصلهاش الا وانتا بتكلمها وفي الحاله دي بص في عنيها جامد وماتدورش وشك ابدا لانك لو حركت عنيك بس هتفهم هيا انك مش جرئ كفايه او هيا شخصيتها اقوي منك واوعي تاخد بالها انك بتبصلها من غير لما تكون بتكلمها عشان ممكن يوصلها انك بتحبها بس مع احساس انك ساذج وعبيط ومش عندك قدره تقولها ولو حصل طبعا مش هتوافق علييك

3_ماتقولش اي كلام كل كلامك موزون وفي موضعه وتستني الفرصه او اللحظه اللي الكل هيسمع فيها وتقول كلام يهم الكل وهي فيهم ساعتها هتكون محط اهتمام الكل وهي منهم

4_تحاول تبقي مرح عشان البنات بتحب الشاب المرح بس في وقت الضحك بس مش علي طول عشان مش يتقال عليك تافه
وبكده ان شاء الله هتعرف تجتاذ التلت خطوات دول ولو حصل كللللللللللللل ده مش عرفت تحدد هي بتحبك ولا لا ومش عارف انتا قدرت تحببها فيك ولا لا يبقي مفيش غير حل واحد

انك لو فعلا بتحبها بجد تقولها بس بعد كل الخطوات التمهيديه اللي فاتت ولو هي فعلا بقت حاجه حلووة كتير فى حيااتك ااكيد هيتشاال من قلبك الرهبة وااكيد كماان انك لما تسمع ردها مهما كان افضل بكتير من انك تعيش فى عذااب وحيرة هى بتحبك ولا لا وااكيد ردها مهما كان سلبى او ايجابى هيحدد لك حاجات كتير وهتعرفك انت عايز اية وهى عاايزاااك ولا....

اما اذا كنت حااسس ولو بذرة من حبها اظن برضه ان اعتراافك بحبك لها بوضوح وشفاافية افضل بكتير جداا ليك وليها

وفى حاجة بجد انا شفت منها كتير اوى
تحس نظراتها متجهة ليك و اول ما تبصلها تخطف نظرها بسرعة

وياريت بقي اسمع ارائكم فيه

موضوع مفيد و حلو موووووووووووت كوكو

تسلم ايدك

ملاسي عاى تواجدك بمواضيعي

شكرا حبيبتي على ردك مرسي

موضوع جميل
مشكوووووووووووووور
بالتوفيق دائما

كلامك جميل اوي وموضوع جميل اناكنت مستنياه
مرسييييييي

بجد موضوع جميل جدا تسلمى
بس ممكن بعد اذنك كوكو اطرح موضوع مجننى شويه انا عرفت واحده من سنتين و قولتلها انى بحبها وبعد فتره هى كمان قالت انها بتحبنى واوقات بحس بكده منها
واوقات تانيه بحس انها غير كده خالص وساعات تقول كلام غريب وبتتصرف تصرفات غريبه ممكن تضايقنى
وبعدين حصلت ظروف بقيت انا فى مكان وهيه فى مكان تانى وصعب انى اشوفها بس انا بتصل بيها دايما وساعات بحس
من طريقة كلامها وتصرفتها ان فى حاجات بتحصل انا معرفهاش وان مش فارق معاها اى حاجه ياريت حد يلحقنى بالحل علشان بجد الموضوع ده مجننى ومش عارف اعمل ايه
واسف جدا على الاطاله