الله عليكى كوثر... طول عمرك انسانه جميله ومثقفه وحساسه... بجد بجد مش لاقى كلام او كلمات توصف موقفى وانا بقرأموضوع ... على الرغم بانه معروف عنى انى كثير الكلام... لكن فعلا عجزت كلماتى عن وصف مابداخلى لأعبر عن امتنانى ليكى وعلى مبادرتك الجميله ... على الرغم بإنكى مش مصريه... بس والله والله وربنا شاهد على كلامى ان بحس انكى تونسيه الجنسيه والموطن مصريه الروح والمنشأ...
ميرسى برشا برشا ليكى كوثر... انتى فعلا مثال حى للانسانه المثقفه المحترمه اللى تدعو الى ترابط الشعوب .. وفعلا انتى مثال يحتذى بيه... وجهه مشرفه لبلدك تونس الخضراء .. اللى اتمنى أن ازورها فى يوم من الايامام عن مبادرتك فى حمله حب مصر....
مصر كوثر.. على الرغم باللى فيها من مشاكل حاليا... لكن هى مصر فى الوجدان دائما.. ساعات نزعل ونضايق باللى بيحصل فيها .. بس هى زى الأم دايما مانقدرش نستغنى عنها...اولا:- كوثر مصر مش باماكنها الخلابه الكثيره والمتنوعه من كل عصر
مصر بشعبها كوثر ... كفايه انه مكتوب فى بطاقتى مصرىمكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي
أنا مصري وأمي مصرية
مولود من جوه رحم أرضك
من طينك كحلت عنيا
والحبل السُري كان نيلك
مفطوم علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
مكتوب في بطاقتي الشخصية
مصر
مصر ياأم الحضارة والعصر مصر يا أم الطيابة والأصل
مصر يا أم النيل الجديـــــــد مصر يا أم الوادي الجديــد
مصـــــــــــــــر بلادي أحبها من كل دمي وفؤادي
مصر ياأم الاراضي الخضراء مصر يا أم السماء الزرقاء
مصر يا أم العلم والعلماء مصر يا أم الفقه والفقهاء
مصـــــــــــــــر بلادي أحبها من كل دمي وفؤادي
مصر يا أم الجبال الصفراء مصر ياأم النخيل الخضراء
مصر يا أم المياة العذباء مصر يا أم القلوب البيضاء
مصـــــــــــــــر بلادي أحبها من كل دمي وفؤادي
مصر يا أم الشعر والشعراء مصر يا أم أمير الشعراء
مصر ياأم المنيا عروس الصعيد في الدنيا
مصر يا أم الاسكندرية عروس البحر الأبيض دي حاجة تانية يا مصر احبابك
يا مصر ..
احنا الرجال واقفين على بابك..
طالبين ايديكى .
و كتروا خطابك..
وانا منهم .
عاشق ف عشاقك..
طالب القرب منك .
و جايلك شابك .
ولو عمرك يفوق عمرى .
يا مصر السن لم عابك .
دى سمانا لو يوم ضوّت .
يا مصر لمعابك .
ولو مالت للعدا الدنيا .
الكون يا مصر .. من هابك .
يا فرحتى لو تقبلينى يا مصر ..
محب وسط احبابك .
يا اغلى اسم فى الوجود يا مصر
يا اسم مخلوق للخلود يامصر
نعيش لمصر ونموت لمصر مصر مصر
تحيا مصر
تفوت عليكى المحن ويمر بيكى الزمان وانتى اغلى وطن وانتى اعلى مكان
ومهما كان انتى مصر
وكل خطوة بنصر
نعيش لمصر ونموت لمصر مصر
مصر مصر تحيا مصر
يااااااااه كوثر طلعتى منى مشاعر كانت مدفونه فى حب بلدى كانت مدفونه فى الزحمه والمشاكل ودوامه الحياه ...
اه معلش معلقتش على الصور بس انا متابع معاكى موضوعك الرائع ...(
وعلى فكره أناعارف انتى تريدى ان تجمعى معلومات عن مصر ليه.... هههههه بس سرك فى بير )
تقبلى احترامى وتقديرى الشخصى
البروفسير الاخ والصديق