بليز بليز بسرعة حد يرد عليا عشان خلاص قربت موت...!!!!!

انا ارتبط بانسان كويس جدا بس شخصيته صعبة شوية يعنى واثق فى نفسه اوى فى ناس بتشوف ده غرور بس والله مش غرور المهم انا وهوا كويسين جدا جدا جدا هوا من النوع الرومانسى اوى وبيكتب اغانى وكدا يعنى المهم كان فى مشكلة ان انا كنت قلبوظة شوية هوا كان عاوزنى اعمل دايت و انا اصلا كنت بعمل المهم خلاص خلصت الدايت وكل حاجة تمام بس فى فترة كانت تقريبا اسبوع كان متغير اوى معايا والمشكلة ان فى الفترة دى (اللى هوا اتغير فيها ) اتقدملى حد ومش رضيت اقوله عشان مش يحس بانى بضغط عليه وكمان لان انا وهوا كنا متفقين الارتباط الرسمى هيكون امتا فقلت خلاص الموضوع هيخلص بتاع العريس ده ومش هقوله غير لما يخلص بس كان فى ضغط عليا من البيت جامد خصوصا انه كان باباه صاحب بابا اوى ومامته صاحبة ماما من صغرهم المشكلة انه كان متغير فى الفترة دى اوى كنت محتجاه بس مكنتش بلاقيه كل ما كنت اسأله مالك يقولى مفيش الامتحانات وكدا قلت معلش عشان دبلومة بقا وكدا كنت بكلمه كل يوم وانا بموت كنت خايفة يحس بحاجة وهوا مكنش ناقص عشان امتحاناته المهم فى يوم الموبايل بتاعى كان فصل شحن وانا فى سكشن وصاحبتى اخدته تشحنه لحد ما اخرج من السكشن وهوا اتصل وهيا ردت عليه وحكتله على موضوع العريس وكان رده لما تخلص السكشن خليها تكلمنى كلمته لقيته بيقولى الو قلتله الو قالى مبروك بقوله نعم قالى مبروك وربنا يوفقك ومع السلامة كان يومها الموضوع خلص بتاع العريس بس انهارت بسبب رده لما قالى مبروك المهم انا حاولت اكلمه تانى كان بيقفل معايا اى كلام وفى يوم كلمنى على النت واتكلم معايا بكل برود وحرق دمى اوى المهم بعدها كلمنى فون بس مكلمناش المكالمة حسيت انى جرحته عشان صاحبتى كلمته فى موضوع العريس بطريقة جامدة شوية بس والله كان قصدها انه يقولى انا جمبك ومش خسيبك ومش هتكونى لحد غيرى وكدا يعنى بس حصل العكس المهم انا وهوا دلوقت مش بعض بقالنا 3 شهور بس من 10 ايام كلمنى تانى شوية يتكلم عادى زى مانكون صحاب عاديين وشوية يتكلم رومانس اوى ويقولى وحشتينى وكدا ومش عارفة بحس انه اول ما يفتكر ان انا جرحته يبدأ يرمى دبش تانى بس بيقولى عاوز اشوفك وكدا هوا عارف انى بحبه وانا عارفة انه بيحبنى بس عارفين اللى كرامته بتوجعه عشان موضوع العريس ده وصله بطريقة ناشفة شوية هوا كدا على فكرة انا مش عارفة انساااااااااه خالص انا نتيجتى ظهرت ومش نجحت لانى كنت تعبانة ايام الامتحانات ساعات بيحسسنى انه بيحبنى اوى وبيموت فيا وفجأة بحس انه افتكر موضوع العريس فيقول فى باله ايه لازم ارمى دبش حد يفهمنى هوا بيحبنى ولا انا بوهم نفسى ولا ايه بالظبط انا خلاص والله بموت بالبطئ فى كل لحظة مش بسمع صوته فيها عارفين ساعات بيقول حاجات عشان يعرف انى لسا بغير عليه بس برضو كرامته بتقلب قولولى والنبى اعمل ايه انا بجد بموت

اناشايف انو مش صادق معاك ومش بحبك جد

انا اسفة جدا عشان طولت فى الموضوع
اولا شكرا على مرورك بالتوبيك يا ابن الشام
ثانيا هوا ليه بيعمل كدا ليه بيكلمنى وبيخاف عليا
ليه بيتكلم معايا زى الاول انا مش فاهمة حاجة وبجد تعبت
انا ليه لسا بحبه حد يفهمنى او يقولى

اولا : نحن اخوة مافيش داعي للشكرا
اولا: ممكن يكون احس بانه اخطأ وهو يحاول يصلح الامور وفي الحالة دي لازم تطلبي منه يتقدم لك رسمي فاذا حاول التهرب او التاخير لاسباب واهية فهواكيد كداب ولازم تتركيه
وممكن يكون حس انو كرامته اتجرحت ورجع عشان ينتقم او انو القصة عنده مسلية وانها نزوة عابرة ما عندو مشكلة يكمل للاخر

ثانيا: الحب لا ينسى مهما اساء الحبيب بس ممكن نعيش بعيدا عن حبيب كداب وده افضل لان البعد افضل من حياة مع شخص لا يحبك او يعتبرك تسلية
اتمنى لك التوفيق واعتذر عن الاطالة

اولا مفيش اطالة ولا حاجة
ومفيش داعى للاسف
عارف انا مبقتش قادرة افهمه ومش عارفة اى حاجة
حاسة انى تايهة وهوا الوحيد اللى ممكن يفهمنى
على فكرة هوا شخصيته بالظبط نفس شخصية امير البطل بتاع المسلسل التركى عاصى
يمكن لو تعرف المسلسل ده تعرف شخصيته وتقدر تقولى اتعامل ازاى معاه
وبجد شكرااااااااااا جدا ليك عشان اهتمامك بالموضوع والرد عليه

انا اعرف المسلسل ده كويس واعرف انو امير خاصم عاصي لمجردانها شكت فيه اما لما هو شك سابها
خليكي طبيعية معاه ولا تظهري اي حاجة وكانو مفيش اي شي حصل لكن لا تمنحيه كل الثقة وحاولي تدفعيه علشان يطلبك رسمي وبعدين شوفي النتيجة
اخيرا انسي كلمة شكرا خالص قلتلك نحن اخوة

السلام عليكم.. اختى العزيزه

اسمحى لى ان اتحدث عن مشكلتك بصراحه وممكن تلقى فى كلامى بعض الشده.. ولكن معروف عنى الصراحه ويمكن احنا ماتكلمناش قبل كده فى المنتدى..\

أولا:- مشكلتك تنقسم الى تلات اقسام من وجهه نظرى.. وفى حاجات فى كلامك المطلوب انكى توضحيها شويه
انتى قولت انكى حبيت واحد أوك ديت مافيش فيها مشكله... والواضح من كلامك انه يكبرك سنا على اساس انك قولتى انه بيحضر دبلومه وانتى لسه بالدراسه ... ده القسم الاول

- قصه العريس المتقدم ليكى والمعروف جدا من عائلتك على حسب كلامك ان والده والدته اصحاب لوالدك والى ولداتك ايضا ..... وده القسم الثانى من مشكلتك

-القسم الاخير من مشكلتك مكالمه صحابتك الى حبيك ومعرفته بموضوع العريس ده.. ورد فعله الغريب بعد معرفته بهذا الموضوع

اللى فات ده تلخيص كلامك صح..

مشكلتك ديت فاكرتنى بحوار حصل فى فيلم مش متذكره اوووى بس فاكر الحوار كويس بين البطل والبطله وكان البطل عاوز يتهرب من البطله... شوفى بقا الحوار مشى ازاى وهلخصه ليكى وهقول المفيد من الحوار اللى دار بينهم ويارب تفهمى اقصدى ايه من ده

البطله : يافلان انا بحبك وبموت فيك
البطل : وانا مابنمش الليل من كتر التفكير فيكى وبي حبك ( ملحوظه البطل كان برده بيكتب شعر واغانى وشخصيته جذابه وتقيل اقوووى )
البطله : على فكره حبيبى انا متقدم ليه عريس واهلى موافقين عليه جدا لانه عرفينه كويس وعارفين اهله ومافيش فيه عيب واحد.. بس عشان خاطر عيونك حبى انا هديله استماره 6

البطل : طبعا ياحبيتى انا عارف مدى حبك ليا وانكى هتفضلى ترفضى اى حد يتقدم ليكى عشان حبنا
البطله فى لحظه تفكير :- امممممممم طيب ياحبيى مش انت معى برده ان الحب اللى بيجمعنا لازما يكون له نهايه
البطل بذكاء :- الحب عمره ماكان له نهايه واذا كان له نهايه فالموت نهايته

البطله فى لحظه تأمل وحسره :- ( حيث انها متوقعتيش الاجابه منه بهذه الطريقه ) قالت لاء ياحبيى فى نهايه تانيه لاى حب يجمع بين حبيبين
البطل باستغراب : نهايه ايه اللى بتكلمى عليها
البطله :- يعنى انت مش عارف بجد ولاه عامل نفسك مش عارف
البطل :- انتى قصدك ايه من الاخر ماتقولى صراحه من غير لف ودوران
البطله بعد مافاض بيها الكيل : النهايه لاى قصه حب هو انكى تتقدم لاهلى وتتجوزنى وتكون علاقتنا رسمى قدام الأهل والمجتع كله

البطل باستغراب وتهكم على كلامها: انتى بتقولى ان نهايه الحب الجواز امممممممم بس انا مش عاوز حبنا ينتهى
ماهو على كلامك لو انا اتجوزتك حبنا هينتهى ويموت وده شئ مارضهويش لحبنا.. ههههه

عموما اختى العزيزه الحوار كبير ... وتلخيصا له البطل عاوز يفلسع لانه مش بتاع جواز...هههههههههه

انا اسف لسه ما تكلمناش فى مشكلتك...
مشكلتك هى نفس معظم مشكلة بنات جيليك كله.. ولو سالتك اختى العزيزه ايه اللى بتحبيه فى حبيك ده ايه المواصفات اللى ماخليكى تمسكى بيه وعلى قوليك هتخليكى تموتى.. انا متاكد انكى هتقولى أنه وسيم وممكن طويل
وبيكتب اغانى وشعر ورومانسى مووت اخر حاجه ( يعنى بيعرف يغنى كويس بتاع اسطوانات ).. وعنده ثقه فى نفسه ملهاش حل .. صح مش ده مواصفات حبيبك..

بس هتنسى تقولى انه راجل بمعنى الكلمه بيتحمل مسئوليه قرارته.. وهتنسى ايضا تقولى انه متدين عارف ربناحافظ كتاب الله.. مصلى لجميع فروض الله.. عارف سنن رسوله صلى الله عليه وسلم .. هتنسى تقولى ليا انه كان بيرفض اننا نتقابل عشان ده مش من شرعنا كثره مقابله الفتاه للرجل وانه لو حدث اننا تقابلنا كانت المقابله بنتكلم فيها لتخطيط لمستقبلنا وحياتنا المقابله وبتحديد موعد الزواج واعبائه .. وماكنيتش المقابلات بس للحب والغرام وانه بيسمعنى شعر واغانى .. هتنسى اختى الكريمه تقولى كده....

أنا اسف للاطاله عليكى .. بس كلامى ده مش موجه ليكى فقط.. بس موجه لجميع الفتيات والى اخواتى البنات .. نعم انا ليا اخوات بنات وبانصحهم بكده .. بنصحهم انهم يتقوا الله فى نفسهم الاول وبعد ذلك اهلهم
يا اخواتى البنات انتبهوا ... الحب ليس كلام معسول من شعر واغانى وخلافه يتقال من شاب وسيم .. انا هنا لااحرم الحب . ولكن احترم الحب فى نصابه الشرعى .. الحب الذى يتولد فى النور مش فى الضلمه والخوف من المجهول..

انا والله استغرب الفتاه اللى بتقول ان بحب واحد اكثر من كذا سنه .. كذا سنه ياااه وفى كل السنوات الحب ديت كما يتوهمون ماذا يقال فيها .. واين الخطوات الايجابيه اللى هعملها هذا الشاب فى هذه السنوات. لكى يتوج هذا الحب بالزواج ..
وايضا استغرب من الفتاه اللى تقول ان هموت لو هذا الشاب تركنى. استغفر الله العظيم ..الم تقرأى اختى العزيزه قول االله عز وجل ( قل لن يصيبنا الا ما كتب الله لنا ..) وايضا قوله تعالى ( وعسى ان تكرهوا شئ وهو خير لكم ..)...

.. وفى النهايه نصحيتى اليكى أن توجهيه مباشره من غير مقدمات او تمهيد.. اذا كنت تريدنى وتحبنى كما تقول تقدم الى اهلى مباشره وتطلب يدى للزواج.. اذا رفض او تحجج بأى مبرارت مهما كانت من انه لسه مكونيش نفسه .. انه لسه بالدراسه أى مبرارات اختى العزيزه وما أكثرها
نصحتى انكى تتركيه فورا .. بدون ذره حزن عليه وان تتقى نفسك واهلك.. وان تفكرى بعقلك وليس بقلبك

مع تحياتى مع اعتذارى لو كان فى كلامى بعض الشده
ا

الى بيحب حد بيفتكرلو الحجات الحلوه معاه والانسان مش بشكلو الانسان بقلبو

شكرا بجد جدااااااااا على ردكوا على التوبيك
بس يا بروفيسير انا وهوا فعلا مش اتقابلنا غير مرتين
وهوا كان بيقولى بلاش نتقابل عشان مش يحصلك مشاكل وانا كنت برضو بقوله كدا
على فكرة انا والله مش بيفرق معايا الشكل خالص
هوا عادى مش وسيم او ى يعنى مقبول
بس هوا كان بيتكلم دايما فى الارتباط الرسمى
حتى هوا اتكلم قبلى فى كدا
هوا دلوقت عاوز يرجعلى
بس بيقولى خايف عليكى
عشان مش عارف ايه هيحصل بعدين
بيقولى مش هقدر ابعد او اجرحك تانى
انا مبقتش فهماه وبجد تعبت
مش قادرة انساه ولا عارفة ابطل احبه
انا بجد تعبت وكدا هوا موتى بالبطئ
ياريت يخليكوا جمبى لحد ما اخلص من اللى انا فيه ده

طبعا انتى زى اختنا وعموما لما تحبى حبى بعقلك مش بقلبك
لانى الى بيحب بقلبوا بيبقى ضعيف ادام الى بيحبوه
والف سلامه ليكى وربنا يوفقك فى حياتك وتلاقى ابن الحلال الى يستحقك

» جديد عليا
» صعبانة عليا
» بتصعب عليا نفسى
» صعبانة عليا نفسي
» راحل عنك خلاص