ارجوكم ساعدونى انا مجروح

ارجوكم ساعدونى انا مجروح

انا اشتركت فى المنتدى مخصوص عشان اعرض مشكلتى
انا مشكلتى انى بحب واحدة جدا جدا من ايام ما كنا فى الثانوية العامة
ومش قادر انساها خالص مع انى فضلى سنة وخلص كلية واشتغل !! انا مهندس
والخبر اللى دمرنى انها انخطبت اليومين دول
مش عارف اعمل ايه
قابلتنى من يومين فى الشارع وحاولت اتجاهلها ولكن لما نظرتلها
وجدتها تنظر الى ولما نظرت لعنيها حسيت بأحساس غريب ان كل حاجة فى الدنيا انتهت عند كدة
وحسيت انها بتقولى بعنيها انا وافقت على الخطوبة لان دى سنة الحياة بس قلبى لسه معاك
وسعتها كنت هبكى ولكن تملكت نفسى لانى كنت مع اصحابى وحسيت انها كمان عاوزة تبكى بس عدينا وعدى ؟؟؟؟؟؟؟؟!!!!!!!!!!!

انا شاب بنات كتير حاولوا يكلمونى بس هى بس اللى فى قلبى
ومش عارف اعمل ايه

انسى واكمل حياتى ؟! مش قادر
انا بدعى ربنا ليل نهار ان خطبها يسبها عشان تبقى ليا

فياريت تدلونى اعمل ايه
:@:

يعني هي كانت اعترفتلك بحبها ولا لا؟وعارفه انك بتحبها ولا لا؟
لو متاكد انهابتحبك كلمها تفسخ الخطوبة وانت تتقدم لها
لو مش متاكد انها بتحبك حاول تنسي وربنا يرزقك بواحده تانيه تحبها وتحبك
واستشيرحد تثق فيه ويكون حكيم في رايه
ربنا يوفقك

السلام عليكم

انا ممكن اكون مريت بنفس الموقف لكن دعيت ربنا والحمد لله ربنا يسرلى اللى فيه الخير

و شوف لو هيه بتحبك بجد اكيد هتعمل اى حاجه علشان تكون ليك
الا اذا قدر الله شىء تانى بس انت سلم امرك لله وادعى ربنا لو ارتباطكم ببعض فيه الخير ربنا ييسره
وسدئنى اللى هيقدره ربنا هوه اكيد اللى فيه الخير ليك
واختيار ربنا للانسان احسن من اختيار الانسان لنفسه
و ارجو ان كلامى يكون عند حسن ظنك
واسف على الاطاله
وتقبل مرورى