لعبة الصراحة فى الحب

السلام عليكم ورحمة الله وبركاته
الى اعز اصحاب واحسن اعضاء فى الدنيااعضاءمنتدى كلام فى الحب إن شاء الله الفكرة تعجبكوا
ويبقى موضوع ناجح جدا
كل ده بفضل الله اولا
ثم مجهودكم الجميل معانا
موضوع انهاردة
هو مختلف تمااااااااااااااما عن كل المواضيع السابقة
انهاردة انا معايا لعبة
بس لعبة جميلة اوى
هنلعب مع بعض لعبة الصراحة
بس مختلفة عن اى لعبة الصراحة اللى نعرفها
اسمها
الصراحة فى الحب
يعنى انا هسأل سؤال فى الحب وعن الحب فقط
والى بعدى يجاوب عليه ويسأل سؤال عن الحب
وهتبقى زى لعبــــه الصراحه كدا
ممنوع تكرار السؤال الى بعد ان يتم كتابه ثلاث اسئله بعده
ممكن يتكرر فى الحاله دى
بس الاسئله هتبقى فى الحب وبس
ودة سؤالى للى بعدى :
هل ممكن تحب شخص تانى بعد قصة حب دامت طويلا ؟
السؤال سهل اوى عايز اجابة من عضو وسؤال من نفس العضو

نورت يا زعيم ومستنية سؤالك

عادى ولا يهمك يازعيم الاجابة هى اجمل حاجه هى التفاهم والتسامح فى الحب والسؤال هو ايه اصعب حاجه فى الحب ؟؟؟

لعبه بجد احيكي عليها ج؟ الفراق

س؟اكتر شيئ بتحبه في الشخص اللي بتحبه

لعبه بجد احيكي عليها ج؟ الفراق

س؟اكتر شيئ بتحبه في الشخص اللي بتحبه

اهلا بيكم كلكم انا اول مرة هنا ف المنتدى
ج : هو حبيبي لازم يراعى ربنا فيا اولا ، اما صفاته الشخصية متفاهم وحنون
السؤال : هل تقدر تسامح خيانه حبيبك حتى لو ندم كتير جدااااااااااا؟

حسب نوع الخيانه فى خيانه تجرح عمرها ما الواحد يقدر يسامح اول يقدر حتى ينسشاها

وفى حجات صغيرة بردو تسمى خيانه بس الواحد يقدر يسامح عليها لو صح بيحب حبيبه

س؟؟؟؟؟ا هل تختار صداقه دائما ام حب مؤقت

حبه اشترك معاكم فى الغبه دى اص عجبتنى الاجابه انى اختار صداقه دائمه افضل من الحب الموقت لانه هينتهى بجرح ومسيره ينتهى بس الصداقه افصل

اسف على خطا وسوالى ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟

اولا يسعد صباحكم / مساكم
اللعبة هاي اكتير رائعة والأروع انها في منتداكم الطيب
سؤالي راح ايكون ... عن ليش لمن احنا الشباب انحب بنحب بإخلاص
اما البنات فالحب عندهن اشي عادي وما في اله اي اهمية .... ارجوا الاجابة بكل صدق

صدقنى هى ديه الحالة بالضبط انا كنت بحب شخص ومات وكنت متخيله انى مش هاعرف بعده حد لكن دلوقتى دخل حياتى شخص تانى وبيحبنى وانا حسه انى بحبه بس دائما حس بخوف

ممكن من فضلك حد يرد عليا ويقولى انا اعمل ايه حسه على طوال الوقت انه هايضع وانى مش بحبه حب حقيقى بس دائما عايزة يكلمنى وخايفة يبعد عنى ارجواك ساعدنى في الوصول لحل لانى دائما شكه فيه وفي حبه ليه معا انه دائما يقولى انى انا روحه وحياته وعمره وكل ما تتخيله ولكن المشكله فيه انا

انا مشتركة جديدة في المنتدي اهلا وسهلا بيكم كلكم اولا انتي عارفة اية مشكلتك لان ماحدش فينا يعرف انتي مريتي بأية قبل كدة علشان كدة مش قادرة تحسي انو حب حقيقي لو كنتي بتحبي حد قبلة يبقي انتي لسة متعلقة بية والي معاكي دلوقتي مجرد واحد اتعودتي علية في حياتك بس مجرد ماهتلاقي الحب هتسيبية زي ماقولتي المشكلة عندك وسؤالي تفتكرو حبيبي هيسامحني انا اتخطبت علشان ارضي اهلي وبحاول اعمل حاجة ترجعني لية بس من غير ما اجرح حد هو بيقول انو مستنيني بس انا قولتلو ماتربطش نفسك بية تفتكروا هيسامحني

شكرا اوي يازعيم مش عارفة اسمك او علشان لسة دخلة المنتدي مش عارفة التفاصيل انت عندك حق بس مافهمتنيش هو معايا بس الانسان الي انا مخطوبالة مجنون بية حاولت اقولة كذا مرة بس كل حاجة بتكون ضدي لدرجة ان انا قولت لاهلي علي حبيبي بابا بس الي اقطنع شوية وقالو تعالي خد دبلتك وكنا طايرين من الفرحة بس خطيبي جة مجرد ما بابا قالو تعلي خد دبلتك وقالي مش فارق معايا اهلك مهما يقولو بس قوليها انتي بس انا بنت وحيدة لاهلي وامي كل حجة ليه تخيل لما تسمع امك وهي بتصلي بتدعي عليك علشان فكرها ان تفكيري صغير وان كل دة لعب عيال وبابا خايف بيقولي انتي عندك اخ يرضيكي يتزل لزل دة ومخوفني انو ممكن حبيبي مايحترمنيش لو سيبت واحد علشان واحد تاني وقررت اني اسيب حبيبي واقولة اني ماأقدرش استغفل واحد مهما كان خطيبي هو مايرضهاش علي نفسة بس لحد اما الاقي حل كنت بس عايزة رايكم تفتكروا كدة صح ولا غلط

انا جديدة هنا فى المنتدى صراحه منتدى رائع جدا وأعضاء كويسين ومواضيع مفيدة اخر حاجه
اجابتى على السؤال
ن ليش لمن احنا الشباب انحب بنحب بإخلاص
اما البنات فالحب عندهن اشي عادي وما في اله اي اهمية .... ارجوا الاجابة بكل صدق

الحب جزء من وجود الرجل ، ولكنه وجود المرأة بأكمله
البنت لما بتحب بجد صدقنى والله مش بتشوف غير الى بتحبه يمكن انت بتقول كده علشان الى انت بتحبها ماكنتش بتحبك بس مش كل البنات كده وبعدين انت لازم تعذرنا برده ماهو من كتر ما بنسمع عن الخيانة فيمكن نكون نسينا فى حد بيحب أصلا
سؤالى انا بقى
تتمنى تتجوز الى انت بتحبها ولا الى بتحبك؟؟؟؟؟؟

اسمحيلى اجاوب
ج...افضل نكون احنا الاتنين بنحب بعض

اما لو سؤالك محدد يبقا اللى بتحبنى

س...ليه اللى بنحبهم مبيكنوش لينا ليه(لو معندكش اجابه مش مهم لان محدش عنده اجابه للسؤال ده )

فعلا ملوش اجابة بس ده قدر ولا مفر من القدر ربنا يرضنا جميعا
سؤالى هو
ما هو الحب الحقيقى بالنسبة ليك ؟

الحب الحقيقي :
هو أن تحب الشخص الوحيد القادر على أن يجعلك تعيسا
أجمل ما في الدنيا: الحب والرغيف والحرية
الإهمال يقتل الحب ، والنسيان يدفنه
الحب لا يقتل ا حد إنما يعلقه بين الحياة والموت
الحب سلطان ولذلك فهو فوق القانون
أنت لا تعرف قلبك حتى تفشل في الحب
الحب كالقمر له وجهان: الغيرة هي الوجه المظلم
الحب يقضي على الكثير من الآلام لأنه أعظمها
الأعمال أعلى صوتا من الكلام-إلا في الحب
الدموع تروي الحب والبسمات تنعشه
الحب كالمعدة القوية يهضم أي طعام وأي كلام
الحياة كالحب لا حكمة فيها
الحب ليس هلوسة ولكن فيه الكثير منها
الحب يجعل الزمن يمضي والزمن يجعل الحب يمضي
الحب أن تفنى في شيء والموت أن يفنى فيك شيء
الحب الحقيقي هو الذي تحس به بعد فوات الأوان
الذين أحبوا بقوة ، لم يحبوا من أول نظرة
الحب يجعل الإنسان العادي شاعرا ، والشاعر مجنونا ، والمجنون حيوانا ، والحيوان شاعرا
الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف
الإخلاص في الحب ليس إلا كسلا في النظر إلى إنسان آخر
المحب لا يجوع . والجائع لا يحب
الحب والحرب ندخلهما عندما نريد ، ولكن نهرب منهما عندما نستطيع
الذي يحب يصدق كل شيء أو لا يصدق أي شيء
الحب بئر عميق اشرب منها فقط واحترس من أن تقع بها
الذي يحبك بقسوة إنما يكرهك برفق
الحب يولد في العزلة والكراهية تولد بين الناس
الحب ليس أعمى ولكنه مصاب ببعد النظر فهو لا يدرك الأخطاء إلا عندما يبتعد
الندم لمن عرفوا الحب والأسف للذين لم يعرفوه
القبلة اتفاقية صامتة بعدها نلقي السلاح
اللعبة الوحيدة التي يشترك فيها اثنان ويكسبان فيها اثنان أو يخسرا معا . .الحب
الحب هو أجمل سوء تقدير بين اثنين
الحب كالحرب من السهل أن تشعلها . .ومن الصعب أن تخمدها
ثلاثة لا يمكن أن نخفيها : الجمل وراكب الجمل والحب
بالحب لا نعقل وبالعقل لا نحب
بالقلب نحب . . وبالعقل نكره . . بالاثنين نصاب بالجنون
بداية الحب نهاية العقل
بذور الحب تنمو على مهل ، أما الثمار فبسرعة
حب تطارده:جميل ، حب يطاردك أجمل
روح المحب تعيش في جسم من يحب
حبنا لشخص لجماله ليس حبا ، ولكن عندما نحبه رغم عيوبه . . فهذا هو الحب بكل تأكيد
عندما نريد الحب لا يجيء ، عندما يجيء لا نريده
عقوبة من يحب كثيرا . . أن يحب دائما
في طريقنا على القلب يجب أن نمر بباب له شفتان
في الليل وفي الحب يصاب الناس بعمى الألوان
في الحب ننسى كرامتنا ، وفي الغيرة ننسى الحب
في الحب خطابات نبعث بها وأخرى نمزقها وأجمل الخطابات هي التي لا نكتبها
قد يولد الحب بكلمة ولكنه لا يموت أبد بكلمة
ليس الحب هو الذي يعذبنا ، ولكن من نحب
لا أحبك لأنك مصدر راحتي وإنما أحب راحتي لأنك مصدرها
ندين للحب بحياتنا . . وبموتنا أيضا
من يحب . . يحب إلى الأبد




وسؤالى هو؟
-لو كنت متعب وفكرك مشوش ومزاجك غير العاده الى من تلجأ اكثر هل
الصديق ام الحبيب ام الاخ او الاخت ؟من تختار لتريح قلبك مما انت فيه؟؟؟

تحياتى وتقبلو مرورى
ق
ل
ب
م
ي
ت

الصديق

سلمت يداك

السلام عليكم ورحمة الله وبركاته
انا اسمى محمد لسه عضو جديد معاكو فى المنتدا برجاء ان تقبلونى معكم

السلام عليك
ممكن اجاوب على هذا السؤال
الاجابه الحبيب

سؤالى انا
كيف تعرف انك تحب