مش مهم ايه العنوان ... المهم اللي جوه القلب يبان

انا مش هتكلم شعر

ولا هتكلم كاني شاعر

انا هتكلم لان قلبي موجوع

اه موجوع

لما فجأه ابقي بحب حد اوي

واربط كل شئ بيه

واقوله كل يوم بحبك

وكل يوم اوعده بوعد

وكل يوم يوعدني بوعد

ربطت كل شئ بيه

ربطت حياتي كلها

قلتله علي اللي بحبه وبيوجعني ... قالي عاللي بيحبه وبيوجعه

خلاص فهمنا بعض

خلاص ارتحنا لبعض

وفجأه تبدأ كل حاجه تمشي عكس ما احنا عايزين

خناق موجود ... تعب موجود

ونتصالح وتاني يوم نتخانق

نحب ونوعد

ونكره ونخلف وعودنا

حبيت اتكلم معاكوا يمكن حد يفهمني

حبيت اخرج اللي جوايا يمكن ارتاح

حبيت افضفض يمكن القلب يرتاح

قلب ؟؟ هو فين القلب

ما خلاص راح مني

ما خلاص بعد عني

قلب ؟؟... والله مش لاقي اي قلب

عايز ارتاح ومش عارف ازاي ارتاح من غيره

كانت كل راحتي معاه

كانت حياتي مرسومه وياه

هو وجعني

وانا كمان وجعته

بس حبيته

وحبي ليه مش شوية والله

حبيته اوي

ممكن انساه ؟ مش عارف

بس مش هنساه

مش بسهوله اني انساه

بس مش هينزل دمعي عليه تاني

خلاص ما بقاش فيه مكان لاحزاني

موجوع ماشي

تعبان ماشي

بس مش هيبان عليا ضعفي من تاني

ما هو اللي خلاني

اتعب واحزن واتوجع

وكمان بكاني

طب ليه اضعف وليه احزن وانا من جوايا عارف انه اكيد هينساني

كفايه كده حزن وكفايه كده جراح

وخلاص خلص اللي بينا وكل شئ اهو راح

هلازعيم اتمنى تكون فاكرنى كلام رائع
هوصعب لى يدخل القلب نقدر ننساه وايام بتداوى الجرح بس خليك دايمان فاكر معاها كل زكريات سعيده وربنا يعوضك احسن باحسن منهاتكون نصيبك وتسعدك وتصونك لانك بجدتستاهل

حلوة التوبك جميله خالص

تسلمي يا مياء ومين يقدر ينساكي يا قمر

وربنا يخليكي ع النصيحه الجميله دي

وربنا يكرمك يا رب علي قد نيتك الجميله دي

وبجد انتي اللي تستاهلي يا قمر

واتمني بجد اني اشوفك في المنتدي مره تانيه ان شاء الله

لو بتحبها بجد متسلمش بسهولة ،، حاول ترجعوا لبعض لو متاكد انها لسه بتحبك
الحب احساس جميل اوى مش سهل حد يلاقيه فى الدنيا ،، والله الدنيا بسيطة لازم تستحملها وهى تستحملك
وانا شايفه ان الحب في سنك دا مش هيتعوض وان شاء الله خير

شكرا يا اجمل نجمه في احلي سما

جميله جدا نصيحتك ... وبجد سعيد ان فيه حد بيفكر بطريقتك الجميله دي

ادعولي بالتوفيق .. وان شاء الله ربنا هيكرمني ... انا فعلا فكرة في اللي حصل تاني

ولقيت اني لازم اكمل ... وكملت الحمد لله ... والحمد لله عايش مرتاح وكويس

بس حتة الحب في سني دي هتتعوض او لا ... الح مش بالسن والله

ولو بالسن فالمفروض اني استني كتيرا وي عشان احب

لان الحب اللي جد بيحتاج نهايه سعيده ... وارتباط رسمي

الحمد لله ربنا رزقني بقلب يحبني بجد ... ويخاف عليا ... يبقي ليه افرط فيه

مهما كان سني وسنه ... فانا مش هفرط فيه ... وهبقي عليه مهما كان

والحمد لله انا ما اتخليتش عنه ... ومش هتخلي عنه ... وربنا يجمعنا في النهايه مع بعض في بيت سعيد

شكرا ليكي يا نجمه علي المرور والكلام الجميل بتاعك ... وبجد سعيد بمرورك ونصيحتك

شكرا ليكي مره تانيه

» مش مهم العنوان
» اترك لكم العنوان
» ظلمت احساسي اللي حبك .............
» وشو اللي غير حيــــــــــاتك وبكل صراحــــــــــــه ..؟؟
» ......بين.......القلب ........والبحر