كرسي الاعتراف مع الزعيم

ازيكم يا احلي اعضاء في الدنيا

ازيك يا زائر

نورت صفحتي

انا رشحت نفسي لكرسي الاعتراف

مكان ساره شو

عشان التوبيك يفضل شغال

وانا من النهارده ولمدة اسبوع علي الكرسي

واي اسئله انا موجود ومستعد ليها

منتظر اسئلتك يا زائر

واسئلة كل الاعضاء ان شاء الله

يعني اللي انا كتابته كله شكرا خلاص يا زعيم بعد اذنك يعني بدل ما اكتب تاني الاسئله اللي سألته لساره جاوب عليها انتي علشان والله ايدايه وجعتني لما كتبتهأ وحظ موفق ليك يا مان

يا ريت يا ميدو تجيبوا كوبي

وتحطوا هنا عشان اقر اجاوب عليه

لاني بالطريقه دي انا بحط الاسئله لنفسي

مشكور لاهتمامك يا جميل

وان شاء الله اشوف اسئلتك واسئلة باقي الاعضاء

اخوكم الزعيم

منور على الكرسى والله
يلا بقى شويه اسئله على خفيف علشان بعزك بس والله
.
.
.
.

.

احلى يوم فى حياتك؟
اوحش يوم فى حياتك؟
اكتر شخص عزيز على قلبك ؟
اعز صديق ليك؟
احسن صدفه حصلتلك ؟
اكتر اكله بتحبها ؟
اصعب يوم فى حياتك؟
اكتر موقف محرج اتعرضت ليه؟
امتى حسيت انك مظلوم؟
ايه هى امنيه حياتك؟
ايه هى الامنيه الى اتمنيتها ومتحققتش؟
اقرب عضو ليك فى المنتدى؟؟؟؟

كفايا كده اصلى انا طيبه

منور على الكرسى والله
يلا بقى شويه اسئله على خفيف علشان بعزك بس والله
.
.

ربنا يخليكي يا ساره يا قمر .. ووالله التوبيك منور عشان انتي سبتي اسئلتك فيه يا جميله

ومعزتك عندي اكبر يا جميله وربنا
.
.

.

احلى يوم فى حياتك؟

اول يوم كنت اقابل فيه الانسانه اللي بحبها ونكون انا وهي لوحدنا والناس لوحدهم

اوحش يوم فى حياتك؟

يوم ما حسيت بخسارة الانسان ده

اكتر شخص عزيز على قلبك ؟

هم اتنين بعتبرهم شخص واحد وما اعرفش اذكر واحد فيهم من غير ما اذكر التاني

لانهم والله الاتنين عندي حاجه واحده وما اقدرش استغني عنهم

والدتي ووالدتي

ربنا يخليهوملي ويخليلكوا اهلكوا يا رب

وادعوا لوالدتي بالشفاء

اعز صديق ليك؟

وحدتي

احسن صدفه حصلتلك ؟

فكرة المنتدي ده

لانها اجت صدفه لما عرفت اني ممكن امتلك منتدي

اكتر اكله بتحبها ؟

هقولك بس اوعي تضحكي علياا يا ساره

وانت يا زائر تقرأ ومن غير ضحك ههههههههه

بصي يا ستي هم اكلتين

المحشي (ورق عنب او كرنب ) ومعاه بقا بطه

يا لهوي .... جوعتيني يا بت انتي والله هههههههههههه

وفيه اكله تانيه بحبها اوي ... المرونه بالبشمل .... ويلا وريني همتك واعمليلي صينيه دلوقتي هههههههههه

اصعب يوم فى حياتك؟

يوم وفاة جدي الله يرحمه

اكتر موقف محرج اتعرضت ليه؟

موقف من ضمن مواقف كتير يا سو ... بس هو موقف اللي افتكرته دلوقتي

كنت في يوم ماشي وبعدين قابلت واحده قريبتي فنادت عليا فقربت عشان اسلم عليها فلقيت معاها واحده منقبه

فسلمت علي قريبتي عادي وبعدين طبعا من الزوق اني اسلم علي اللي معاها

فمديت ايدي عشان اسلم عليها فقالتلي مش بسلم علي رجاله ....... كرسي الاعتراف مع الزعيم 2950116887

ههههههههههههههههه كان حتة موقف .. وربنا ما انساه ابدا ههههههههههه

من يومها وانا مش بـــ كرسي الاعتراف مع الزعيم 2176152401

علي اي واحده هههههههههههههههههههههههههه

امتى حسيت انك مظلوم؟

لما حسيت ان اقرب الناس ليا شاكين في اخلاصي ليهم

ايه هى امنيه حياتك؟

اني احقق حلمي

هههههههههههههه ماشي ماشي هقول اهون

اني اخلص دراستي وبتقدير كويس عشان احقق حاجه نفسي اوصلها

وقتها بجد ان شاء الله هبقي اعلن عنها هنا في المنتدي لو لينا وللمنتدي عمر ان شاء الله

ايه هى الامنيه الى اتمنيتها ومتحققتش؟

اني اشوف واحده كده قريبه اوي اوي كل يوم

بس ما قدرتش

اقرب عضو ليك فى المنتدى؟؟؟؟

ليه كده الاحراج ده

طب ما كلنا اسره واحده والله يا ساره .. ووالله بعتبر اننا هنا كلنا اخوات والله

بس يا قمر والله انتي اقرب اخت ليا وكوكو ومي ونها وبوس بوس ومن الاعضاء الشباب عاشق بس ما بقاش يدخل

واحمد ميدو .. وميدو ... والواد ميزو حبيبي ... واخويا وحبيبي ذكي ... والبروف بس هو ما بقاش يدخل بردو

كفايا كده اصلى انا طيبه

والله طيبه وعثل وجميله هههههههههههه

وربنا انتي قلبك طيب واسئلتك جميله

نورتيني يا اجمل ساره في الدنيا

ولو عندك اي اسئله تانيه انا مش ممانع

وفي انتظار اسئلة باقي الاعضاء ان شاء الله

بشكرك مره تانيه يا قمر علي اسئلتك الجميله دي

عنيا حاضر بس كده احلى صنيه مكرونه بشاميل عشان خاطر عيونك
بس متلومنيش بعد كده لو قلتلى انك رايح مستشفى عشان مش عارفه ايه الى ممكن يحصلك لقدر الله ياعنى
ميرسى لاجاباتك الجميله ديه واوعى تسلم على منقبين تااااااانى

اه اسال مسألش ليه وانا ليا حد غزيز عليا غيرك اسأله يلا بينا
.
.
.
.
.
مين هو يا سيدى كاتم اسرارك ........؟ومتنساش تقولى عليه ها زى اختك برده وهنستر على بعض
اليوم الى بستناه بفاااااارغ الصبر؟؟؟؟؟
اكتر عباره او حكمه او بيت شعر بتعجبك وبتلتزم بيها؟
لما بتبقى زحلااااااان بتعمل ايه ولومبسوووووط بتعمل ايه برده؟؟؟؟؟
ايه هو الدرس الى اتعلمته من خلال حياتك وتجاربك وتتمنى تعلمه لغيرك؟؟؟؟؟؟؟ ايوه ياعم هتبقى مدرس اهو
مين الانسان الى تقدر تقول عليه مثلك الاعلى ؟؟؟؟؟؟
لو قالولك تهدى (حبيبه قلبك ) هديه تهديها اييييييييه يا ترى؟؟؟؟؟؟؟؟
ايه هى نهايه كل قصه حب من وجهه نظرك؟؟؟؟؟؟
نفسك تهدى كلمه حب لمييييين؟؟؟؟؟وعتااااااب لميييين؟؟؟؟؟؟
امتى قلبك يبقى قاسى بس مش اوى اوى ؟؟؟؟؟؟؟
قولى بقى رايك فى صاحبه الالسئله ايجابيات وسلبيات عايزاك تقول كل الى فى نفسك متتكسفش عادددى

[b]

عنيا حاضر بس كده احلى صنيه مكرونه بشاميل عشان خاطر عيونك
بس متلومنيش بعد كده لو قلتلى انك رايح مستشفى عشان مش عارفه ايه الى ممكن يحصلك لقدر الله ياعنى
ميرسى لاجاباتك الجميله ديه واوعى تسلم على منقبين تااااااانى

.........................

تسلملي عيونك يا جميل

ويا قمر انا عارف ان ايديكي تتلف في حرير ... ومهما كانت اكلتك انا هاكلها ومتأكد انها هتبقي

احلي اكله هاكلها في حياتي

بس انتي بتتريقي عليا في موضوع اني ما اسلمش علي منقبات يا بت انتي ؟

بشكرك علي اجمل مرور واجمل رد واجمل اسئله يا اجمل ساره

ازيك يا زعيم اخبارك ايه
اسف للتاخير بس والله غصب عنى

اولا ربنا يشفى والدتك يارب ويقومها بالسلامه

ومتخافش ياعم مش هضحك على المحشى لانى بحبه انا كومااااان هههههه

ندخل بقى على الاسئله

انا هبدأ بحاجه خفيفه كدا

ياريت تعرض لنا البطاقه الشخصيه بتاعتك

الاسم /
السن /
العنوان /
الوظيفه /
البرج /
المؤهل /

انت تؤمر معلش على التاخير مشاغل
يارب تكون بخير

ويارب الحاجه تكون بخير
وربنا يخليهالك
ومكنتش اعرف والله

وده الكرسي

ديه عاده معلش

كرسي الاعتراف مع الزعيم Images?q=tbn:ANd9GcQUwkrIsi9fY8wOLQB4SedDu-LNKMM8SKzqTd7uWvjLZp-FBByNuw&t=1

كرسي الاعتراف مع الزعيم Images?q=tbn:ANd9GcQUwkrIsi9fY8wOLQB4SedDu-LNKMM8SKzqTd7uWvjLZp-FBByNuw&t=1

نبتداء الاسئله احنا فى فترة فى كرسى الاعتراف كان يا ويل اللى يقعد على الكرسي

من كتر الاسئله بس اسئلتى يا رب تكون خفيفه عليك

(تقاس قوة الزلازل بمقياس ريختر المعروف)
1/
بمَ تُقاس قوة الحب من وجهة نظر ..؟

2 ما احلى يوم فى حياتك

3 من هو مثلك الاعلى

4 ما رايك فى الحب من اول نظره

5 ما هى نقطه ضعفك ومفتاح شخصيتك

6 هل انت محبوبه من الاخرين

7 هل واثقه من نفسك

8 اية رأيك ف الثقة بالناس ممكن تثقى ف حد بسهولة؟؟

9 هل تؤمنى بالحسد؟؟

10 لو صديق غلط فيكى غلطة جامدة وطلب منك السماح تسامحيه وتنسى خطئه ليكي ولا مش هتسامحيه؟؟

11 ما هى الحياه بالنسبه لك

12 ما هو لونك المفضل

13 من اقرب صديق لك

14 احلى مكان تحبيه

15 اللى باعك رخيص بيعه و من غير فلوس و تكون انت الكسبان كمان...ايه رايك ؟

16 ازاى بتفرقي ما بين الحب والاعجاب

17 حبيبك بتمثلك ايه فى حياتك ؟؟؟؟؟؟؟

18 ما الحيوان الذى تفضيله

19 ما رايك فى شباب اليوم

20 ما الصفه الذى لا تعجبك فى نفسك

21 ما الاغنيه الذى تهديها للمنتدى

22 ما الموقف الذى اضحكك وابكاكي فى نفس الموقف

23 ما معنى هذه الكلمات بالنسبه لكي
الحب
العشق
الكراهيه
الصداقه
الصراحه
الايمان
الفضول
الانسانيه
السفر
الصدفه
الحريه
السعاده

24 وجد الحب لسعادة القليلين ، ولشقاء الكثيرين
(دولنكو)
الحب تجربة حية لا يعانيها إلا من يعيشها
( سيمون دى برافو )
الحب جزء من وجود الرجل ، ولكنه وجود المرأة بأكمله
( بيرون )
مأساة الحب تتلخص في أن الرجل يريد أن يكون أول من يدخل قلب المرأة .
و المرأة تريد أن تكون آخر من يدخل قلب الرجل
( بيرون )
خير لنا أن نحب فنخفق ، من أن لا نحب أبداً
(تشيسون)
كفايه اقوال كده جاوبي بقى على الاسئله دي
- هل يختلف معنى الحب عبر العصور؟

25 اخيرا ما السؤال الذى توقعتى ولم تجديه

ما السؤال الذى توقعتيه ولم تجيده

انا متاكد بعد ده كله بتتمنى انى مكنتش اسال وافضل

كده انا بس بجد بقالىكتير اوى مش بسال

ووحشنى الكرسى

مستنى اجاباتك
تــــــــحـــــيا تــــــى

ازيك يا زعيم اخبارك ايه

الحمد لله يا حبي ... بخير طول ما انتم جميعا بخير

عامل انت ايه ... يا رب تكون بخير يا جميل

اسف للتاخير بس والله غصب عنى

ولا يهمك يا جميل ... وكفايه انك نورتني وسبتلي اسئلتك

اولا ربنا يشفى والدتك يارب ويقومها بالسلامه

ربنا يخليك يا ميزو ... الحمد لله بقت كويسه يا حبي ... تسلم يا جميل علي الدعوه ... ويا رب ما يحرمك من اي غالي

ومتخافش ياعم مش هضحك على المحشى لانى بحبه انا كومااااان هههههه

ههههههههههههههههههه .... بالف هنا وعهافيه يا جميل ... وان شاء الله بفايده دايما

ندخل بقى على الاسئله

ماشي

انا هبدأ بحاجه خفيفه كدا

اتفضل

ياريت تعرض لنا البطاقه الشخصيه بتاعتك

الاسم / محمد عبده عبده الشبراوي
السن / 19 سنه
العنوان / مركز المنزله ... الدقهليه
الوظيفه / طالب ... وان شاء الله محاسب
البرج / سامحني ... ماليش فيه
المؤهل / لسه يا حبي طالب ... بس ان شاء الله بكاليريوس تجاره

بشكرك يا ميزو علي الاسئله يا جميل ... واتمني تكون بخير

ومنتظر منك المزيد ان شاء الله .... وان شاء الله تكون موجود دايما يا حبي

مشكور مره تانيه يا جميل

انت تؤمر معلش على التاخير مشاغل

الامر لله يا جميل ... ربنا معاك يا حبي

يارب تكون بخير

الحمد لله بخير ... ويا رب انت كمان تكون بخير وتمام

ويارب الحاجه تكون بخير

الحمد لله يا حبي ... بخير ... شكرا علي سؤالك يا جميل

وربنا يخليهالك

ويخليك يا حبي ... ويخليلك اهلك وكل اللي بتحبهم وبيحبوك

ومكنتش اعرف والله

ولا يهمك ... كفايه انك سئلت

وده الكرسي

ديه عاده معلش

كرسي الاعتراف مع الزعيم Images?q=tbn:ANd9GcQUwkrIsi9fY8wOLQB4SedDu-LNKMM8SKzqTd7uWvjLZp-FBByNuw&t=1

شكرا يا ميدو ... بس شكلك بتحبني اوي ... ميرسي علي الشير .. وان شاء الله اقوم سليم

نبتداء الاسئله احنا فى فترة فى كرسى الاعتراف كان يا ويل اللى يقعد على الكرسي

من كتر الاسئله بس اسئلتى يا رب تكون خفيفه عليك

ان شاء الله يا حبي ربنا هيعديها علي خير ...

(تقاس قوة الزلازل بمقياس ريختر المعروف)
1/
بمَ تُقاس قوة الحب من وجهة نظر ..؟

بالاخلاص

2 ما احلى يوم فى حياتك

اليوم اللي بكون فيه مع حبيبتي وشايفها قدامي

3 من هو مثلك الاعلى

الرسول صلي الله عليه وسلم

4 ما رايك فى الحب من اول نظره

الي حد ما بيكون نادرا ... بس مش مضمون اوي ... علشان ممكن ينخدع الشخص ده في المظهر

لان الحب من اول مره مبني علي مظهر الشخص

5 ما هى نقطه ضعفك ومفتاح شخصيتك

نقطة ضعفي هي اوقات حبي .. واوقات اخلاصي ... واوقات طيتي الزياده !!!

6 هل انت محبوب من الاخرين

الحمد لله حواليا ناس كتير تحبني .. لا لمصلحه ولا خوف ... احترام ليا والحمد لله

وتمني جد ان الناس كلها تحبني ومحدش يكرهني ابدا

7 هل واثقه من نفسك

في اشياء نعم ... واشياء اخري ... لا

واوقات اخري ايوه واثق في نفسي في اغلب الاوقات

8 اية رأيك ف الثقة بالناس ممكن تثق ف حد بسهولة؟؟

لا ... الفتره اللي احنا فيها دلوقتي بجد لا ... انا شفت كتير والله عهلي الرغم من اني صغير

وعلي الرغم من اني لسه هشوف كتير

بس انا بجد شفت اللي يخليكي اقول لا مش هثق في حد بسهوله

9 هل تؤمن بالحسد؟؟

اه جدا ... والحسد مذكور في القرآن علي فكره

قال تعالي ... بسم الله الرحمن الرحيم

[size=16]{ وَمِنْ شَرِّ حَاسِدٍ إذَا حَسَدَ }[/size]

ربنا بيأمرنا باننا نسعيذ به من الحسد ... ودا دليل قوي علي ان الحسد موجود

10 لو صديق غلط فيك غلطة جامدة وطلب منك السماح تسامحه وتنسى خطئه ليك ولا مش هتسامحه؟؟

هسامحه بس بصراحه مش هيبقي في نظري زي الاول ... بس هقولك ... عرفتك يا صاحبي وبس

11 ما هى الحياه بالنسبه لك

الحياه رحه الي الدار الاخره ... حلوه اوقات ومره ساعات ... بس مش هنعيش فيها غير

بسسم الله ... والحمد لله ... ولا اله الا الله محمد رسول الله

12 ما هو لونك المفضل

الاسود ... سيد الاوان ... وعلي فكره مش لون الكآبه ولا حاجه

13 من اقرب صديق لك

اربعه اصدقائي ... يمكن كل واحد فينا من بلد ... بس قريبين مني... اخواتي

واقربهم ... محمود صاحبي

14 احلى مكان تحيه

البحر ... فهو صديق وفي ... وكتوووووووووووووووووووووووووومم جدا

ويفهمني من نظره ... دون ان اتكلم

15 اللى باعك رخيص بيعه و من غير فلوس و تكون انت الكسبان كمان...ايه رايك ؟

معاك ... س لو كان هو فعلا باعني بمزاجه مش غصب عنه ... ولو صديق ليا وحبيته بجد وباعني عشان

حاجه هتسعده ... مش هبيعه ... بس بردو عرفتك يا صاحبي ... ومش هشوفه بنفس العين

اكيد هتتغير نظرتي ليه
16 ازاى بتفرق ما بين الحب والاعجاب

الحب ... احساس ... والاعجاب احساس اخر ... فالحب الم في القلب يستحيل علاجه

والاعجاب ... هو الجرثومه التي ستسبب الالم ولكن في طور الاحتضان

بمعني انها لم تبدأ عملها بعد

17 حبيبك بتمثلك ايه فى حياتك ؟؟؟؟؟؟؟

بتمثلي الحياه

18 ما الحيوان الذى تفضله

الاسد

19 ما رايك فى شباب اليوم

شباب ؟... بصراحه النهارده احنا عندنا شباب العالم كله بيتكم عنه وعن شهامته ... وعن قوته ... وعن قوة ارادته

شاب النهارده هم بجد حماة الوطن ... واعصا التي تتكأ عليها مصر الحبيبه

مصر بجد فيها شباب يستحقوا ان العالم كله يقف قدامهم وينحنوا احتراما لهم

وافتخر اني واحد من شباب مصر

افتخر شباب الثوره

20 ما الصفه الذى لا تعجبك فى نفسك

اوقات اناي

21 ما الاغنيه الذى تهديها للمنتدى

انا بهدي اغنية اجدع صحاب ... لسوما ... بهديها لاغلي اصحاب واصدقاء واخوات في الدنيا دي كلها

22 ما الموقف الذى اضحكك وابكاك فى نفس الموقف

مفيش موقف زي ده مر عليا

23 ما معنى هذه الكلمات بالنسبه لك
الحب / عذاب يتمناه الجميع
العشق / الحب بشكل اقوي
الكراهيه / سيف مسموم
الصداقه / طوق النجاه
الصراحه / نقطه في بحر
الايمان / سفينة النجاة
الفضول / استاذي
الانسانيه / الرأفه
السفر / المتعه
الصدفه / خير من الميعاد
الحريه / العهد الجديد
السعاده / فرحة القلب

24 وجد الحب لسعادة القليلين ، ولشقاء الكثيرين
(دولنكو)
الحب تجربة حية لا يعانيها إلا من يعيشها
( سيمون دى برافو )
الحب جزء من وجود الرجل ، ولكنه وجود المرأة بأكمله
( بيرون )
مأساة الحب تتلخص في أن الرجل يريد أن يكون أول من يدخل قلب المرأة .
و المرأة تريد أن تكون آخر من يدخل قلب الرجل
( بيرون )
خير لنا أن نحب فنخفق ، من أن لا نحب أبداً
(تشيسون)
كفايه اقوال كده جاوب بقى على الاسئله دي
- هل يختلف معنى الحب عبر العصور؟

لا .. لا يختلف الحب ... ولكن يختلف رؤية الحب من وجهات نظر مختلفه ... فلكل واحد وجهة نظره

ولكنها جميعها تبني علي نفس الاساس وتدور حول شئ واحد ... ذلك الالم الموجود في القلب

25 اخيرا ما السؤال الذى توقعته ولم تجده

لا بصراحه لقيت الاسئله اللي توقعتها ... والي ما توقعتهاش هههههههه

انا متاكد بعد ده كله بتتمنى انى مكنتش اسال وافضل

كده انا بس بجد بقالى كتير اوى مش بسال

ووحشنى الكرسى

مستنى اجاباتك
تــــــــحـــــيا تــــــى

تسلم يا حبي علي الاسئله الجميله دي ... وبجد عجبتني جدا

وسعيد انك نورتني واهتميت وسبتلي اسئلتك ... وان شاء الله منتظر لو عندك المزيد

ومعلش اني اتاخرت في الرد

بس كانت مشاكل والحمد لله عدت علي خير

نورتني ومنتظر اسئلة الجميع ان شاء الله

تحياتي لكم الزعيم محمد عبده

ازيك يازعيم منورالكرسى يارب اسالتى تكون خفيفه على قلبك
اولا.ليه مستنى انى اسالك؟
ثانيا.هل انا لسه بنسبه ليك لسه اخت غاليه ولاتغيرت؟
ثالثا.هل هاتحضرفرحى؟
بس كدهى دى اسالتى اتمنى انى هى ماتديقش وانك تحقق احلامك وربنايوفقك فى كل حاجه
وسلاااااااااااااااااااااااااااااااااااااااااااااااااااااااااااااااااااااااااااااااااام]

انا بجد بقوولك انت بررنس فى الاجابات ويارب تكون بخيرر انت وكل المنتدى

وانا مش هسال تانى كفايه كدة

تـــــــــــــــــــــــــــــــــــحــــــــــــــيـــــــــــــــــــاتــــــــى

منوووور الكرسي يا زعيم
والله الزعيم بيضل زعيم ماشاء الله عليك وربنا يخليلك لاصحابك وحبايبك واهلك ياارب
تحياتي ليك

ازيك يازعيم منورالكرسى يارب اسالتى تكون خفيفه على قلبك

اتمني ان شاء الله

اولا.ليه مستنى انى اسالك؟

لا انتي فاهمه غلط .. انا ما بستناش حد ... نورتي

ثانيا.هل انا لسه بنسبه ليك لسه اخت غاليه ولاتغيرت؟

طول عمرك اخت وهتففضلي اخت ان شاء الله زي كل الناس هنا في المنتدي

ثالثا.هل هاتحضرفرحى؟

اه ان شاء الله لو الامور متيسره

والف مبروك مقدما ..ز وربنا يتمملك علي خير

بس كدهى دى اسالتى اتمنى انى هى ماتديقش وانك تحقق احلامك وربنايوفقك فى كل حاجه

امين يا رب وليكي زيه واكتر ان شاء الله
وسلاااااااااااااااااااااااااااااااااااااااااااااااااااااااااااااااااااااااااااااااااام] كرسي الاعتراف مع الزعيم 2159460562

سلام ومتشكر لمرورك

تسلم يا ميدو

نورتني يا حبي ... واسئلتك كتيره بس جميله يا جميل

بجد مشكور علي اهتمامك وردك

تسلم يا جميل ونورتني بجد

تسلمي يا حيبه

ربنا ما يحرمني منك ولا من دعواتك يا قمر

وان شاء الله ربنا ينولك اللي في بالك ويوفقك يا رب

مشكوره علي المرور الجميل والاهتمام يا قمر

ازيك يازعيم اخبارك ايه واحشني بجد؟؟
استلم الاسئلة مني استعد::
1-ايه اكتر حاجة استفدت فيها من المنتدى؟سلبي او ايجابي؟؟
2-مين اكتر شخصيات المنتدى كان لي اثر بحياتك ودائما تفتكرو؟
3-قد ايه بتقضي وقت بالمنتدى او انت قاعد ورا النت؟؟ ودا بخليك وحيد اكتر وبعيد عن الناس يعني القعدة على النت؟؟
4-هل كنت من الشباب الي شاركو بالثورة بمصر؟؟وهل كنت ضد او مع؟
5-هل ئؤمن بعمل المرآة؟او ان مكانها هو المنزل؟
6-هل تعتقد ان المرآة شخص يصعب فهمه والتفاهم معه؟
7-عندما تسئل هل تجاوب بسرعة ام تفكر كثيرا بالجواب؟
8-هل خاب املك كثيرا؟
9-هل تستطيع ان تحكم على الناس صح؟؟
10-هل تعتقد بان اكثر اقسام المنتدى فعالية هي قسم الالعاب ومواضيع الرفاهية؟؟
10-هل مللتك من اسئلتي؟؟
بتمنى اني ماكونش تقلت عليك مستنيه اجوبتك سلام يازعيم
بالتوفيق

ازيك يازعيم اخبارك ايه واحشني بجد؟؟

الحمد لله يا قمرايه .... انتي عامله ايه يا اجمل مايا في الدنيا ؟... والله وحشاني اكتر يا قمر

استلم الاسئلة مني استعد::

ستيدي ... ريدي .... جو ناو هههههههههه

1-ايه اكتر حاجة استفدت فيها من المنتدى؟سلبي او ايجابي؟؟

اكتر حاجه استفدت بيها من المنتدي هي اصحابي واخواتي واصدقائي ومعلومات كتيره ما كانتش تخطر ع بالي

وبجد انا متمسك بالمنتدي ده علشان ناس كتيره موجوده فيه ... ولاني بعزهم وفيهم اخوات واصحاب واصدقاء كتير جدا

2-مين اكتر شخصيات المنتدى كان لي اثر بحياتك ودائما تفتكرو؟

بصراحه الشخيات كلها ليها اثر في حياتي ... ووالله بجد دا مش رد دبلوماسي ... بجد فيه شخصيات كتيره
ليها اثر كبير في حياتي عرفتهم هنا في المنتدي

3-قد ايه بتقضي وقت بالمنتدى او انت قاعد ورا النت؟؟ ودا بخليك وحيد اكتر وبعيد عن الناس يعني القعدة على النت؟؟

بصراحه كنت الاول بقضي تقريبا نص يومي

بس من حوالي خمس شهور لحد النهارده بقيت بدخل نت بظروفها بمعني الكلمه

لاني مشغول بالدراسه وحاجات كتيره ... ومش لاقي وقت اقضيه علي النت

وبصراحه سواء في البدايه او دلوقتي فهو ما خلانيش اكون وحيد ولا حاجه

لاني اصدقائي علي النت كتير جدا ... وكنت بقضي معاهم معظم الوقت ... ودا ما خلانيش وحيد ولا حاجه

بالعكس انا استدفت منهم كتير ... وقضيت معاهم اوقات سعيده كتيره اوي

4-هل كنت من الشباب الي شاركو بالثورة بمصر؟؟وهل كنت ضد او مع؟

انا شاركت بس مش في الميدان ولا حاجه ... بس كنت مع الناس اللي حموا البلد من البلطجيه

وكنت في مظاهره في الجامعه بس كانت بعد الثوره بفتره ... وكنا بنطالب بتغيير رئيس الجامعه

5-هل ئؤمن بعمل المرآة؟او ان مكانها هو المنزل؟

عمل المرأه الوحيد هو ان تحافظ علي زوجها واولادها ... وهذا من وجهة نظري

معلش انا عارف ان فيه ناس هتقول عليا دلوقتي اني انسان خنيق واني عايز احبس زوجتي وتكون في البيت وبس

بس انا ليا هدف معين من رائيي ... وهي اني عايز زوجتي تبقي ليا لوحدي

ولأولادي كمان ... مش ليا ولاولادي ولشغلها ومشاكل شغلها

ويكون شغل مهم ... او حتي مش مهم بس يحصل فيه مشاكل ويشغلها ده عن بيتها وجوزها واولادها

ودا مش هقبله ... وبعدين انا من النوع الغيور جدا ... ومش هسمح ولا كرامتي تسمحلي

ان مراتي تكون في الشغل ويكون زميلها واحد مالوش لازمه

6-هل تعتقد ان المرآة شخص يصعب فهمه والتفاهم معه؟

لا بالعكس ... علي قد ما المرأه شخص معقد الا ان تعقيدها ده كله سهل ان الانسان يفهمه

وفيه ناس غامضين ... وبصراحه ... (ان كيدهن عظيم )هههههههههه

7-عندما تسئل هل تجاوب بسرعة ام تفكر كثيرا بالجواب؟

في بعض الاسئله بتاخر وفي بعض الاسئله الاجابه بتظهر في ثواني

8-هل خاب املك كثيرا؟

بصراحه كتير ... وفي اشخاص قريبين مني اوي ... وللأسف مش قادر اقولهم

9-هل تستطيع ان تحكم على الناس صح؟؟

في معظم الاحيان اه ... لاني بعرف بجد افهم شخصية الانسان اللي بتعامل معاه بسهوله وكويس

10-هل تعتقد بان اكثر اقسام المنتدى فعالية هي قسم الالعاب ومواضيع الرفاهية؟؟

لا بصراحه اكثر قسم فيه شغل هو القسم الادبي ... الخاص بالمواضيع الرومنسيه

10-هل مللتك من اسئلتي؟؟

والله ابدا يا قمر ... بالعكس ... اسئلتك لذيذه زيك يا قمر

واتمني اني اطمن عليكي قريب ... واعرف اخر اخباراتك يا قمر

بتمنى اني ماكونش تقلت عليك مستنيه اجوبتك سلام يازعيم

ابدا يا قمر ... بالعكس انا سعيد باسئلتك يا قمر

بالتوفيق

ربنا يخليكي ... ويوفقك انتي كمان يا رب ... تسلمي يا قمرايه علي المرور الجميل والاسئله الجميله دي

وان شاء الله تكوني سعيده وفي تمام الصحه والعافيه

اخوكي الزعيم

ايه يا زعيم

مش كفايه كدة عليك

فى ناس تانيه عايزة تتنفخ

كفايه عليك كدة وعقبال ما ترشح حد تانى فى كام سؤال كدة

1_كيف يكون الحب؟اي كيف تشعر به ؟او تحس به
2_ولماذا نحب ؟
3_ما انواع الحب اللتى مررت بها ؟
4_ وهل المحب ممكن ان يكره؟
5_ هل المحبين حساسين ؟
6_ هل الحب يخضع لقواعد ؟
7_الي اي مدي تغفر لحبيبك؟
8_هل مررت بالحب قبل ذلك ؟
9_ما هو الحب في نظرك ؟
10_هل تحب الان ؟
11_هل الحب مرايته عاميه مثل ما يقولون؟

عاوزه اتعرف عليكم مممممممممممممممممممممم

ايه يا زعيم

ايه يا حبي

مش كفايه كدة عليك

كفايه يا حبي ... دي فعلا اطول فتره ممكن حد يقعدها علي كرسي الاعتراف

فى ناس تانيه عايزة تتنفخ

ومالو يا حبي ... عندنا اجد انواع المنافيخ هههههه .... الكرسي للجميع يا حبي

كفايه عليك كدة وعقبال ما ترشح حد تانى فى كام سؤال كدة

اوك ... مفيش اي مشاكل ... معاك يا معلم

1_كيف يكون الحب؟اي كيف تشعر به ؟او تحس به

الحب صعب اوي كلمت توصفه ... بس ناس كتير اوي اشتركوا في ان الحب حاجه جميله ... وبينور الحياه

وبيخليها الذ .. وبيساعد ناس كتيره علي انهم يكملوا ويعيشوا حياتهم ... وبيسعد ناس كتيره اوي

وناس تانيه قالت عذاب ... وقالت جرح .. وضعف وانكسار ... بس انا شايف ... انه مزيج من ده وده

والخلاصه ... انه عذاب ... بس عذاب بيتمناه الجميع

2_ولماذا نحب ؟

الحب بيكمل حاجات كتيره نقصانا من جوانا .. عشان كده بنحب ... عشان نحس بالحاجات اللي ما بنحسش بيها غير مع الحب
الحب ... بيكمل الانسان بكل المشاعر ... صدقوني بنحب عشان منعيشش في وحده

3_ما انواع الحب اللتى مررت بها ؟

بصراحه ممرت بانواع كتيره ... كان فيه حب اخوي .. وحب صداقه .. وحب مصالح .. وحب صادق
حب بجد من القلب ... ولسه لحد دلوقتي عايشه ... وبتمني من ربنا يديمها عليا نعمه ان شاء الله

4_ وهل المحب ممكن ان يكره؟

اللي بيحب ما بيعرفش يكره ... غلط
اللي بيحب ممكن بكل سهوله يكره نفس الشخص اللي حبه ... لو لقاه كداب وخاين ... او لقاه مش حاسس باللي فيه وبيعامله بلامبالاه
اللي بيحب ... ممكن يكره

5_ هل المحبين حساسين ؟

طبعا يا ميدو .. دا سؤال يا حبي ؟... اكيد طبعا حساسين .. ولو مش حساسين .. يبقي الحب مخلاش قلبهم يدق

6_ هل الحب يخضع لقواعد ؟

اوقات واوقات ... في حاجات في الحب بتكون قواعد ثابته عند الجميع ... زي الاخلاص .. والتفاني ... والصدق
وحاجات كتيره ... بس في الاغلب ... الحب ليه طريقه الخاص بين كل اتنين بيحبوا بعض
كل حبيبين وبينهم قواعدهم

7_الي اي مدي تغفر لحبيبك؟

بصراحه لو خطأ غي مقصود ماشي ... بس لو خطأ مقصود ... يبقي معلش انتي معملتيليش حساب .. يبقي انا مالزمكيش

8_هل مررت بالحب قبل ذلك ؟

بصراحه مريت .. ولسه عايش فيه دلوقتي

9_ما هو الحب في نظرك ؟

ارجع لأول سؤال هتعرف

10_هل تحب الان ؟

الحمد لله ... واتمني من ربنا ان يتمها عليا نعمه ... وتكمل بالجواز ان شاء الله

11_هل الحب مرايته عاميه مثل ما يقولون؟

بصراحه حب المراهقه اه ... يعني الانساننننن اللي لسه في سن المراهقه مرايته عاميه ... وعاميه اوي كمان

بس الحب في سن الرشد بعد المراهقه ... مرايته بتشوف كل حاجه ... الحلو والوحش ... وبتحاول تصلح كمان

شكرا ميدو علي الاسئله الجميله دي

ووالله بجد مبسوط انك فرد في اسرتنا الجميله

وعضو مؤسس كمان

وان شاء الله في القريب مشرف عام

مشكور يا حبي بجد

وكفايه كده عليا الكرسي ... انا عملت زي واحد صاحبنا ولزقت في الكرسي

حقوم واسيب الكرسي ليك انت ميدو ... لمدة اسبوع

وان شاء الله يكون اسبوع جميل

لكم مني اجمل التمنيات بقضاء اجمل واسعد الاوقات

اخوكم

الزعيم

محمد عبده

لا على فكرة الكرسى حلو اوى عليك خليك يا راجل

مين قالك قوم الله يخربيته

وشكرا حبيبى بجد يسعدنى انى فى يوم انضميت للاسرة الجميله ديه

وبأ>ن الله نرجع زى زمان وبجد وحشنى انى ابقامشرف عام

الواحد خد انه مشرف عام حاسس انه كبير على ... عضو

ههههههههه

خلاص اوكى مستنى اسئالتكم يااحلى اعضاء واحلى منتدى فى الدنيا كلها

مستنيكم

وحشتونى والله يا جاعه

» كرسي الاعتراف
» كرسي الاعتراف مع mido.king
» " كرسي الاعتراف " اسئلة جريئة وصريحة...
» كرسي الإعترافات المطبخي .. تعالو كوووولكم ..!
» لعبه كرسى الاعتراف