دلوع ماما هههههههههه

عالوا نشوف الحـوار

فوفه : حر ... حر ... حر ... اف خلاص ياربى مـش طايقه نفسى .. قصـدى مش طايق نفسى تعبـان خـاص خـالص

الأم : أيه يابيضه مالك ايه اللى مخليك تعبان ؟؟؟ ياواد متشد حيلك شويه وخليك راجل كده ربنا يخدك مش عارفه انت طالع لمين كده يامنيل

فوفه : ياربى انا ايه اللى خلاتى رجعت البيت ده ما أنا كنت قاعد فى الجامعه مستريح وكويـس

الأم : ياواد ده انا لما كنت فى سنك كنت بربى غنم وكنت بربى قطيع زيك كده على اخر الزمن مش عارفه أربيك أنت ياحشـرة

فوفه : يااااااااااااااى يعنى ايه غنم يامامى؟؟؟ أيه تقصدى خـروف يعنى ؟؟

الأم : ايه
يااخويا مش عارف غنم يعنى ايه ؟؟ ... ده ابوك لما كان فى سنك كان بيصطااد
اسود وكان قلبه جامد مش زيك مش زيك لو نط فى حجرك عنكبوت تروح فيها

فوفه : ييييييييييي متجبليش سيرة العناكيب يامامى جسمى بيقشعر

الأم : ده اللى يقعد معاك ويسمع كلامك يقول عندك 3 سنين مش 20 سنه .. قوم ياواد من قدامى متخلينش افقد انوثتى وأرتكب فيك جريمـه

فوفه : هههههههههههه انوثتك ؟؟ فين دى ؟؟؟ قصدى اه عارف يامامى كلك انوثه طبعـاً

الأم : روح ياواد نـام نامت عليك حيطه يابعيد

فوفه : ليه
يامامى انتى عدوتى كده ليه ؟؟ ليه بتحاولى تحطمى مشاعرى واحاسيسى ليه مش
أنـا دلوعتك .. قصدى دلوعك .. مش أنا ضناكى اللى بتخافى عليه .. أهئ أهئ
أهئ

الأم : خلاص
يافوفه متزعلش والله احرجتنى بكلامك ده .. ده انا يافوفه عايزاك تكون راجل
كده .. شوف اخوك حسنين راجل ازاى وبيخاف منه كل الناس ده شعر شنبه اكتر من
شعر جسمك يامنيل مش زيك بيقعد يتمكيج على المرايا بالساعات

فوفه : ده حسنين ده قلبه جامد وقاسى اما انا فقلبى خفيف وميستحملش اى حاجه

الأم : طيب هسألك سئوال

فوفه : اوف كورس مامى اتفضلى

الأم : أحنـا لو دخل علينا حرامى دلوقتى هتعمل ايه ؟؟؟

فوفه : هشده من شعرة وهاقوله عيب عليك كده ياحرامى

الأم : لالالالالالالا تصدق كده حرام عليك يا ابو قلب قاسى انت كده بتقسى عليه اووووى هتشده من شعرة ؟؟؟؟

فوفه : يـــــس

الأم : ليـه انت فاكر الحرامى مطول شعرة زيك يافوفه .. ده الحرامى لو جه هيديك على دماغك ويسرقك وانت هتبقى زى الاهبل مش عارف تعمل حاجه

فوفه : يوووووووووة
..... متخوفنيش بقى يامامى انا هقوله خد يا حوحو اللى انت عايزة بس سيبلى
هدومى وتيشيرتاتى ( وفى هذه اللحظه دخل المحروس بسلامته على النونو فوفه )

الأم : أبنى حبيبى راجلى وسندى فى الحياه وعزوتى

حسنين : أزيك يا أمى عـامله أيه ؟؟

الأم : بص ياحسنين لو دخل علينا حرامى دلوقتى هتعمل ايه ؟؟؟

حسنين : هكسرله ظهرة واقطعله ايديه واعقله على اول الشارع عشان يكون عبرة للاخريين

فوفه : يوووووووووة
.... نونونونونونونو .... بلاش الكلام ده انا مش بعرف انام انا بخاف
نونونونونو انا هادخل انام بدل ما اقعد معاكوا يا اولاد دراكولا

الأم : يا حسنين عايزن ندخل اخوك العسكريه عشان يكون راجل شويه

حسنين : عسكريه ايه يا امى .؟؟؟ ده لو راح العسكريه هيفتكرة اليسا بتتمشى قدامهم بلبس العسكريه بلاش فضايح يا امى

فوفه : انا سامعكم انا لسه منمتش وعموما يامامى انا قدمت فى معهد الباليه عشان عاوز اتعلم رقص الباليه

حسنين : لا اله الا الله

الأم : عوض عليا عوض الصابرين يااااااارب

هههههههههههههههههههههههههههههههههههههههههه

قصة جميل وشكرا على المجهود العظيم وربنا يخللى فوفه

هههههههههههههههههههههههههههههههههه يارب ياخويا يارب

» الواد بطنه بتوجعه هههههههههه
» احلي واحده فيكم اللي لابسه جزمه حمرا هههههههههه
» وربنا جامد بس شوفوا وقولورايكم مباراة الاهلي مع الاتحاد الليبي هههههههههه
» زكاء البنات هههههههههه
» نكت عن المشرفين من غير زعل وضرب هههههههههه