جميل الحب وليه لأه

جميل الحب …وليه لأة ؟؟
بس يكون مع الاصحاب
مع الاحباب
مع اللمة

لما اشوفه في عين بابا
مع البسمة
وعين ماما
مع الضحكة
جميل الحب… وليه لاه ؟؟
وميت شفة
تقول مبروك
ميت مبروك

جميل الحب .. وليه لأه؟؟
وجنبو اعيش
وجنبو اموت
واقول حبيت
ما هوه الحب ..

جميل الحب …وليه لاه؟؟

ووسط الاهل ووسط الحب
يقول حبيت
ارد واقول
اكتر منك ميت مرة
ده هوه الحب

جميل الحب… وليه لأه؟؟؟
وتمر الدنيا
ولسة الحب
.. انا بهواه ..
ما هولله
وكان بالله
وعاش في الله

جميل الحب… وليه لاه؟؟
وايدي فايدك
باسم الله
على الدبلة
حروف اسمك
تقول للناس .. لكل الناس
ده حب العمر
ومن غيرك
هيحميني
ويرضيني
ومن الغربة يواسيني
ويمحي جراح سنين وسنين

جميل الحب… وليه لاه؟؟؟
مدام في الله
ويرضي الله
جميل الحب
في ضل زواج.. رباط ديني
ويغنيني
عن الآهاات
جميل الحب.. وليه لاه؟؟

هبوس كفك
وابوس راسك
ولما تنام
هبوس خدك
واقول الله
واقول ايوة
انا بهواك ..
في ظل الله

جميل الحب وليه لأه؟؟؟؟
ولما اشيب
احط الراس
على صدرك
واقول فاكر
تقول فاكر
واحلى بوسة
من الغالي ابو الغالي
تكون زادي واقول الآآآآآآه
لاول مرة
وانا جنبك
تقول مالك؟؟
فاتنهد
تهدهدني
اقولك بكرة فالجنة
ما فيش منها
تبوس عيني
واغمضها على صورتك
يموت دمعك على خدي
وهمّة يومين
وتيجي فجنة الرحمن
واكون حوراء
وانتة الحب

جمييييل الحب ..

تسلم ايدك
فعلا جميل الحب
خالص تحياتي
وتقبل مروري
ايمي

مقبول اكيد يا ايمي

بشكرك علي مرورك الجميل

ونورتي الصفحه وازدتيها اشراقا

بجد موضوع

حلو اوى اوى
تسلم ايدك وتقبلى مرورى والورد