كرسي الاعتراف

مرسى يا كابتن على ردك الجميل والدبلوماسى الجميل دة
اكيد منور وقمر انا قولت كدة بس عايز صورة هههههه

ومعلش انى نسيت اقولك ازيك يا كابتن غلط غير مقصود

وربنا يوفقك ويكرمك بكل خير يارب
مع احترامى وتقديرى

نيرو حبيتى أزيك ... فيينك ياقمر المنتدى وشمسها ... وحشتينى مووووووووووت جدا ... أوعى تقولى طول عمرك بكاش .. لاء ابد الله وانتى عارفه معزيتك عندى...
انتى اللى منورنا دايما.. يا اسم على مسمى نيره وكلك نور ورقه وحنيه كمان.....
يلا بينا نجاوب على اسئلتك اللى اكيد جميله زيكى ...



ايه هي طموحاتك ؟؟؟؟

طموحاتى العلميه والعمليه : انا شخص طموح بطبعى بس صبور يعنى مش مستعجل... بعمل اللى على وربنا الموفق بعد كده.. وباخد الدنيا على مراحل تخلص مرحله احلم باللى بعدها….. حاليا نفسى اكبر مجال شغلى على مستوى أكبر
طموحاتى الشخصيه واللى قلبيه: نفسى يجمعنا بيت أنا واللى بحبه ونعيش فى تبات ونبات ونخلف صبيان وبنات...

بتقضي وقتك ازاي ؟؟؟
كان فى الأول نيرو وده مش من بعيد كانت حياتى روتيينه ممله... زى اى انسان كل اهتمامه شغل وبس والخروج مع بعض الأصحاب المقربين لى وبس.... حياتى كانت ضلمه بعيد عنكى وعن السامعين... لحد ماجات شمس حياتى نورتلى الضلمه ديت... بقيت احب الشغل اكتر واروحه وانا مبسوط .. اضحك كتير ومن قلبى.. بدأت احب الدنيا والناس اكتر ... من بعد مادخلت حياتى اليوم بدا يتقضى زى الفل والحياه بقا لونها بامبى بامبى بامبى

ايه اول حاجه بتحرص انك تعملها كل يوم ولو معملتهاش بتضايق وبتزعل اوي ؟؟؟
انى اصبح على الحاجه ( والدتى ) واقولها تدعيلى... ازعل لو ده محصلش يوميا..

دموعك سهل حد يشوفها ولا صعب؟؟؟ وياترى مين الشخص اللي
ماتخجلش لو شاف دموعك في اى وقت؟؟؟
دموعى صعب حد يشوفها.... وممكن مخجلش لو نزلت لحد انه بحبه مووت لانه فى هذا الوقت هيكون بكى اقدام نفسك.. لانه لازما اللى بحبه يكون نفسى ويكون حاسس بيه حتى من غير ماتكلم واشكى.....

ايه السؤال اللي مش بتحب حد يسألهولك ؟؟؟؟

اممممممم ..... بجد لو بحب واحده وحد قالى اوصفلى حبيبتك ... لانه فى هذه اللحظه مش هعرف اوصف احساسى بيها او أوفيها حقها فى الوصف

عاوزاك تقولى سر محدش عرفه قبل كدا؟؟
السر لو قالته مش هيكون سر نيروووو... بس عشان انتى حبيتى من زمان وعشره طويله مش هخبى عليكى طبعا... قلب البروق دق .. ونبى دق .. ولاول مره يدق ... وبقاله على الحال ده مده يدق... ازاى ومين وليه وهى مين ..... ده سر ابقا اقوله ليكى بينى وبينكى

ايه هى اخر حدود الخطوط الحمرا عندك اللى مش تسمح لحد انه يتعداها؟؟
أخر حدود الخطوط الحمرا عندى كرامتى ثم كرامتى ثم كرامتى

كام مره كذبت فيها للتجمل و كنت مضطر للكذب
و كام مره
لم تكن مضطر لكن كذبت

اممممممممممم .. يمكن مره واحد كنت مضطر ليها عشان التجمل بس
ولاه مره كذبت وانا مش مضطر لذلك.. لانه لاحكمه فى الكذب فى هذه الحاله.. لانى لاأخاف فى الحق لومه لائم...

لو خطيبتك او مراتك اصرت علي العمل وانت رافض عملها هل تستلم وتقبل انها تعمل ام تقرر الانفصال ؟؟؟

بصى نيرو ياقمر المنتدىوشمسها لو خطيبتى أو مراتى( أصرت) على العمل ... احط مليون خط تحت كلمه أصرت ديت ..مافيش بين الأحباب أن طرف من التانى يقول أنا مصمم على فعل كذا وكذا... لازما يكون فى اتفقا بين الطرفين وده بيجىمن الحوار وبأن الطرفين يسمعوا وجهه نظر الاخر فى الموضوع .. ويرجحوا فى هذه الحاله المصلحه العليا لحياتهم مع بعضانا كنت مثلت لجانا لانها كليه تجاره الحياه الزوجيه بشركه تضامن وليست شركه توصيه وقولت وجهه نظرى فى كده...
انما انتى بقا عشان انتى رومانسيه وبنوته رقيقه وكيوت.. اقولك انا الحياه بين الازواج كمركب شراعى يحمل الاتيين فى وسط البحر…ولازما يكونوا متفقين مين اللى هيقود المركب ده مع توزيع الادوار داخل المركب عشان الاتيين يخلوها تمشى فى سلااااام
لانه مش اكيد البحر دائما هادئ لازما هيواجه عواصف وامواج عاتيه وكمان دوامات
فى ساعتها هيكون معروف دور كل واحد منهم ايه على المركب عشان يعدوا سالمين الى بر الامان.. لانهم اذا اختلفوا فى اللحظه دايت وكل واحد قال يلا نفسى هتغرق بيهم المركبه والاتيين هيبقوا خسرانين... يارب تكون وجهه نظرى وصلت ليكى نيرو

الصداقه كنز الحياه

ولا يقوى الانسان على العيش بدونها) . فما هي أكثر الصفات التى
تجذبك
في أصدقاءك ؟؟

هى صفه الوفاء والاخلاص .... عارف نيرو لو الصديق فيه الصفه ديت لازما هيعمل الاتى
أن يستر عيوب صاحبه ولا ينشرها
أن يصبر عليه في النصيحة ولا ييأس من الإصلاح
أن يصبر على أذى صاحبه.
أن ينشر محاسنه ويذكر فضائله
أن يحب له الخير كما يحبه لنفسه
ألا يبخل عليه إذا احتاج إلى معونته، فالصديق وقت الضيق.
حاجات كتيره نيرو مش عاوز اطول عليكى بيها
بس ممكن انهى موضوع الصداقه بحديث الرسول (ص) اذ قال (المرء على دين خليله فلينظر أحدكم من يخالل ) صدق رسول الله

انا عايزه أعرف
وجهه
نظرك فى (اعتذار الرجل للمرأه ذل ام أحترام للذات) ؟؟؟

اذا كان الاعتذار للمراه لاحساسى بانى غلطان يبقى احترام للذات واحترام ليها برده ...
واذا كان الاعتذار لتفادى مشاكل مستقبليا وممكن تنهى بالاعتذار ... فهو حب ليها واحتراما للذات ايضا.....
اذا كان الاعتذار لامراه حتى ولو كان الراجل مش غلطان .. بس احس بان المراه محتاجه اعتذاره فى موقف معين .. ده مش ضعف منه ولكنه لحبه لها واحترامه الى رغباتها واحترامه للذات ايضا ... سوف يعتذر

هل ممكن تغفر اخطاء لمن تحب سواء كانت الاخطاء دي قبلك او بعدك ؟؟

اذا كانت قبلى فى ماضي ليها لا يحق ليه ان احاسيبها عليها.....ده شئ من الماضى الا اذا هى ارات ان تحكى ليه وفى هذه الحاله ايضا لايحق ليه محاسيبتها على الماضى...
اذا كانت بعد معرفتها بى وبعد الحب بيها ... هيكون حسب الخطأ .. لانه يوجد أخطاء لايمكن المسامحه فيها...

نورتينى نيره يا اسم على مسمى نيره ..... فانتى شمس هذا المنتدى وقمرها....

أنا سعيد جدا باسئلتك ... الجميله والمتميزه والذكيه فى نفس الوقت


تقبلى شكرى وامتنانى وحبى

البروفسير المحب :حب: :ورده:

ههههههههههه هرد ان بقا بكاش بكاش هههههههههههههه

[مى ازيك .... أخبارك ايه أختى الصغنونه الشقيه الأروبه... اكيد أنتى عارفه معزيتك عندى مى .. بس أنتى جبتى ليه أسئله سهله عشان أسمى بس ..... أممممم أوك هعديها ليكى المره ديت .. هههههه



ايه مستعده أجاوب على أسئلتك اللى بيتقولى عليها سهله ديت .. مش ونبى قولت قبل كده عليكى أروبه وسهونه كمان


1- ايه هى ايجابيات و سلبيات المنتدى من وجهة نظر محمود ؟؟؟

من وجه نظرى المتواضعه الحمد الله المنتدى أيجابياته أكثر من سلبياته....فمن ايجابيات هذا المنتدى روح الاسره الموجوده بين الاعضاء بشكل ملفت للنظر فعلا .. على الرغم بان معظم الاعضاء مش شايفها بعضها الا ان لو احد الاعضاء غاب الكل بيسال عليه ... لانه فعلا يوجد صداقه حقيقيه هنا .... من ايجابيات المنتدى ايضا تنوع اقسام المنتدى لتلبيه رغبات الاعضاء لاختلاف اذواقهم واعمارهم ..... من ايجابيات المنتدى الاشراف والاداره متفاهمين جدا مع الاعضاء وطالبيتهم .... السلبيه الوحيده هو الشات ... على الرغم بانه وسيله فعاله لترابط الاعضاء بيبعض وهى فعلا كده... الا انها يوجد فيها سلبيات ايضا .. لدخول اعضاء غير مرغوب في دخلوهم من قبل الاعضاء الاخرى وذلك لدخولهم للشات لغرض لنفسهم ليس للتواصل مع الاعضاء ومناقشه مواضيع ولكن دخولهم لغرض دنئ فى نفسيتهم... وعندى اقتراح هنا.. فالملاحظ هنا فى موضوع الشات ده ان الاعضاء اللى بى الشكل ده مش مهتمين بكتابه مواضيع او حتى الردود على مواضيع الاعضاء... ايه اللى يمنع ان يكون دخول الشات للاعضاء اللى يوصلو لحد معين من النقاط اللى حصلوا عليها من كتابه مواضيع وردود على المواضيع الاخرى..... وبذلك يكون اجبارنا العضو الجديد على التعرف على المنتدى واقسامه ويكون قد احب المنتدى وتعرف على اعضائه من خلا قراءه مواضيعهم وكتابه مواضيع ايضا وفى نهايه يستحق ان يتفاعل معهم فى الشات... ديت وجهه نظر...

2- اكتر اسم عضو بتحبه فى المنتدى ؟؟؟

ليه كده مى ... انتى بخيله زى همس بالظبط سالتنى نفس السؤال... انتم عاوزين تضيعوا منى معجبيين البروف ده كلام... ههههههههه لاء بجد كل الاعضاء بحبهم كأخ وصديق بس برده فى أصدقاء مقربيين ألى قلبى دون غيرهم



3- لو عندك مشكله ممكن تتكلم مع مين من الاعضاء ؟؟ عايزه بالكتير 3

مش بقولك اروبه وسهونه تقريبا نفس السؤال مى اللى فاتت.... بس ممكن اقولك معظم الاوقات أنا اللى بسمع الشكاوى والمشاكل ..... وقليل جدا لما اشتكى من مشاكلى لحد.. بس لو حصل وكان بيحصل ساعات... ممكن الجاء الى بنوته كيوت( نيره ) ... همس الليل ( ضحى ) ..... الرومنسيه ( مى )...


4- انت فى برنامج من سيربح المليون تتصل بمين من الاعضاء للاستعانه بيه ؟؟؟

امممممممم..... استعين بالخبير والدكتور الكابتن / البروفسير ... ههههههههههه

5- اختر عضو يسافر معاك مدنيه العشق و الجمال باريس طبعااااااا ؟؟؟ بصراحه هاااااااااااا

هى الصراحه راحه طبعا ... بس فى الحاله ديت طبعا هاخد اللى بالى بالك ...[/b]


6- حقيبة اسرارك عند من تودعها ؟

معظم الأسراراستودعها فى قلب البروف ... وشويه صغنانيين مع اصحابى المقربيين .. وشويه كتار شويه مع اللى بالى بالك

7- متى يقسو قلبك ؟

بجد والله ومن غير نفاق وكذب ... عمر قلبى معرف يقسى على حد ... يبقا الواحد مطلع عينى ولو جيه ضحك فى وشى أنسى القاسيه على طوال.....-


8-لو تفاجئت بخيانه شخص عزيز ايا كان كيف تتصرف معه؟

جاوبت على السؤال قبل كده وقولت ... سوف أتركه حتى من غير عتاب ... فخير الرد على السفيه السكوت...
وأحتسيب اللى عمله عندالله.. وعندالله باق-


9- رتب هذه الكلمات حسب الافضليه لديك

الصحه_المال_الاولاد_الزوجه _الحصول على اعلى المناصب_راحة البال


الترتيب كالتى....
راحه البال - الزوجه - الاولاد - الصحه - الحصول على أعلى المناصب - المال


10- لو طلب منك تولي منصب الوزير من تختار من الوزارات وماهي قراراتك؟

ايه مى هى الاحلام بفلوس اليومين دولت اقولى رئيس جمهوريه يعنى خايفه من مين... ولاه عندك حق من خاف سلم

خلينا فى الوزرات احسن

أختار أن أكون وزير الماليه.....على فكره مى هما رشحونى بس أنا رفضت المنصب

ماعلينا لو وفقت أنا اكون وزير الماليه ... قرارتى هتكون كالتالى

- الغاء قانون الضرائب العقاريه لعدم دستوريته ومخالفته له
- رفع اجور العاملين فى قطاع الحكومه والقطاع العام مع التوزيع العادل للاجور العاملين مع تحديد حد اقصى وادنى للاجور
- البحث عن موارد اخرى غير الضرائب لسد العجز فى موازنه الدوله
-فصل فلو س التامينات والمعاشات عن وزاره الماليه .. وجعلها هيئه منفصله ليست تحت سلطه الوزاره
- الاهتمام بمحدودى الدخل وتوصيل الدعم اللازم ليهم سواء عينى اونقدى ..

كفايه كده مى ....هو فى قرارات كتيره.. بس هكتفى بكده لحد ماهما يجدوا ليه مره اخرى ... ده لو متحبستش لو اعتقلت
ههههههههه-


سؤال منى ليك

11- عايزاك تقولى لاختك الصغيره نصيحه اعيش بيها ؟؟؟

اممممممممم ..... طيب انا هقولك على بعض النصايح أنا شخصيا بعمل بيهم ومقتنع بيهم
منهم

-
لا يستطيع أحد ركوب ظهرك .. إلا إذا كنت منحنياً ( اياكى مى فى يوم من الايام تنحنى لغير الله امام اى شخص والانحناء هنا المقصود بيه التنازل عن مبادئك اللى محددها مسبقا )

-لا تجادل الأحمق .. فقد يخطئ الناس في التفريق بينكما ( فعلا مى مجادله الشخص الأحمق حماقه منى .. لانه خير الرد عليه السكوت )

- المال خادم جيد .. لكنه سيد فاسد . ( لاتجعلى كل همكى فى الدنيا مى هو جمع المال... لان المال وسيله وليس غايه ....فالقناعه هى رأسى الغنى ..)

ديت نصايح بعمل بيهم فى الحياه العمليه...مى ونفسى اى انسان يعمل بيهم هيرتاح جدا

أم نصحيتى فى حياتك الشخصيه .... اقولك نصحتين ... فى موضعين مهمين هما الصداقه الحقيقيه والحب الحقيقى

الصداقه الحقيقه مى ( هى الوجه الأخر للحب ... ولكنه الوجه البراق الذى لايصدأ ) فبحثى مى عن الصداقه الحقييقه التى يتسم بيها صاحبها بالوفاء والأخلاص...

أم الحب وعشان انتى رومانسيه ... وعارف انكى عندك كبرياء فهذه نصيحه منى ليكى

إذا اكتشفتى أن كل الأبواب مغلقة
وأن الرجاء لا أمل فيه
وأن من أحببتى يوماً أغلق مفاتيح قلبه
وألقاها في سراديب النسيان...هنا فقط أقول لكى

إن كرامتكى أهم كثيراً من قلبكى الجريح
حتى وإن غطت دماؤه سماء هذا الكون الفسيح
فلن يفيدكى أن تنادي حبيباً لا يسمعكى
وأن تسكنى بيتاً لم يعد يعرفكى أحد فيه
وأن تعيشى على ذكرى إنسان فرط فيك بلا سبب

هذه نصائحى اليكى .....مى الرومنسيه


نورتينى بجد مى باسئلتك السهله,,, ههههه يااروبه ... وعشمك فى محله ...يا اختى الصغيره الشقيه

شكرا ليكى وتقبلى احترامى وتقديرى وعلى فكره مبروك النجاح

الاخ الاكبر البروفسير

يخربيت عقلك يابروووووووووف ايه الكلام الجامد ده يابنى عموما كلامك جميل بجد والنصايح بردو بس متتغرش ها اصل انا عرفاك يا كازانوفاااااااااااااااااااااااا هههههههههههههههههه


دا انت بتغنى غونا يلا ربنا يكون فى عون اللى بالى بالك دى ههههههههههههههه ربنا معاها


برووووووووووووووووووووفففففففففففففففف


مع تحيات جانااااااااااااااااااااااا استنا خود التحيه بتاعتك هههههههههههههههه



سلامووووووووووووووووو عليكوووووووووووووووووو

ههههههههههههههه

اولا جانا شكرا ليكى على كلامك الجميل وفى نفس الوقت الكلام اللى زى السم ... هههههههه

بصى جانا أنا مابغنيش على حد ... هو صعب الواحد يتكلم عن نفسه بس فى الحقيفه جانا اللى يعرفونى فى واقع الامر فى الحقيقه اقصدى ..هيلقونى هو محمود اللى معاكم فى المنتدى دلوقتى من غير تجميل او نفاق أوكذب...

وربنا اعلم وشاهد على كلامى انى بعاملكم سواء صبيان او بنات كأخوه وأصدقاء.. وديت عادتى فى الحقيقه فى معامله الاصدقاء أنى اعطى كل واحد حقه فى التقدير وفى الدلع كمان.....ههههه
ويكفنى جانا انى أعلم بان لايدخل الجنه من كان فى قلبه ذره من الكبر.. عشان ابعد عنى صفه الغرور والكبر والنفاق جانا


ثانيا :- أم بالنسبه الى اللى بالى بالك

ديت قبل ماتكون حبيبه كانت صديقه ليه فتره مش قليله برده... واكيد عارفه طريقتى فى الكلام وبأنى كلامى الموجه ليكم كله فى حدود الصداقه وفى حدود العشم المتبادل بينى وبينكم

واللى بالى بالك جانا .. عقلها كبير وبتقدر المواقف وبتحط كل شئ فى وضعه الحقيقى .. الصداقه صداقه والحب حب
مش زيكى عقلك مليان عش عنكبوت ...هههههههه

واللى بالى بالك جانا.... عشان البروف قلبه يدق ويحن ليها .. لازما فيها صفات كتيره وجميله

لقد قرأت القصيده الاتيه وكأنى كاتبها يتحدث عن لسان حالى فى هذه اللحظه ...


هذه القصيده مهداه ليكى حبيتى.....

بين لوعات الماضي

من بين ألم الحاضر

من بين الخوف من المستقبل

أكتب لكم

لكي أفي بحق إمرأه

ليست كباقي النساء

كامله الخلق

والحسن

والصفات

هادئةٌ صامتةٌ

من بين نظرات عينيها

ألف الف جواب

لقد سحرت قلبِ

ولقد أخذت عقلِ

ولقد همتُ بها

فلم أرى سواها

ولها

أكتب نثري

ولها

انشر لها أوراق الحب

والوفاء

تخالوني مادحآ

او كاذبآ

او كاتبٌ يحلو له العذاب

ولكنِ (مهما كنتُ) رجلآ

يعشق مثل سائر الرجال

ولقد عشقت إمرأهً ليست كباقي النساء

=-=-=-=-=-=-=-=-=-=-=-

يا زهرة العشق أجيبي

ماذا فعلت بقلبِ المسكين

يا روح الفهدهيا

أخبريهم عن الماضي الأليم

يا ساحره العيون تكلمي

وانزعي عنك اللثام

إنزعي مابكِ من تخفي

وأعلنيها أمام الجميع

شكوت للناس حبكِ
وأخبرتهم عنك بحسنِ الكلام

سبحان الخالق دومآ

يرزق الصابر ويرزق الغلبان

من بين بحور جروحي

أتيت بالسفينه وانتشلتيني من الغرق

كالمسافر التعبان

أهلكني السفر في بحُور حزني

فهلمي هيا

أخبريهم كيف

أخرجتني من بحر الأحزان

يا محلى حبك يا سيدتي

فهو لي

تاجٌ ووسام
=-=-=-=-=-=-=-=-=-=-=-=-=-

أعطيتني مفاتيح قلبك

وأغلقتي الباب

أمنتيني ولم تري وجهي

فكيف أعمل بحبك

كيف هو السبيل لرد الشكران

آيات الكون كثيرةٌ

وانتي تميزتي عنهم

حسناوات الكون كثيرٌ

وانتي احسن منهم

طيبات القلبِ كثيرٌ

وانتي أطيب منهم

هدوئك

جمالك

حنانك
وصالك

هو ما اتمنا
هل تسمحين

بإن أخبرهم

القليل والقليل

عن صفات وجهك الجميل



عيون واسعه

رموشٌ طويله

وشفتان
مزقت قلبي واعلنت تدميره

جبههٌ ضيقة

وشعر طويل

ورقبه طويله
تثير القلب العليل

وسطٌ نحيفٌ

فم صغير

كخاتم سليمان

الذي لو حاولت ان تجده

لواجهتك الف كلمه مستحيل

كيف السبيل لوصفك

والخيال يعجز عن التفكير

لو كتبت كل حروف الكون

ومدحت كل صفاتك

لعجز القلم

وحروف الكون

عن البوح بكل مكنوناتك

سهيت بوجهك

تغنيت بصوتك

تسمعت باذنك

حلمت الف مره ومره

بعقلك

ودخلت بحور الهوى

من أوسع أبوابها

ورأيت كل جمال الكون

من فوق منبر حبنا


أهواك

ولايستطيع قلبي

سوى ان يتغنى بذكراك

وتحلم عيناي

برؤياك



أعشقك

وارى كل نساء العالم

بصورتك

وارمي كل كنوز الدنيا

تحت صومعه احساسك

الذي يفوق كل احاسيس الدنيا

لكم حاولت وحاولت

ان اكون لكِ الدنيا



ظلام

إعتامٌ تام

هدوء يفوق الهدوء البكر

الذي نسمعه قبل بزوغ الفجر

لا يقطعه

سوى دقات قلبي

التي تحلم

بلمسةٍ من يدك

لتعيد التوازن اليها



أحزان

لاتجزعي

لقد ذهبت عن حياتي الاحزان

وحل بدالها

الفرح والسرور والميلان

تحت نور حبك الساطعه

ن
أول حروف أسمك

وأول حروف أبجديتي

وأول فرح بحياتي

واول سعدٍ

أراه بحياتي

نور قلبك الحنون

واسرار هذا الكون

تختفِ تحت قوه عقلك

أول حرفٍ من كلمه أحبك

ولم اجد أحسن من هذه الجمله حتى الآن


علامه الوفاء

وتاج فوق رؤس النساء

ليعلمو

انك سيدة النساء

وسيدة قلبي الحزين

=-=-=-=-=-=-=-=-=-=-=-

صدقيني

ياحبيبتي

لم أعلن حبكِ إلا بعد

أن تخلصت من كل ما يمكن

أن يقلل من شأن حبك

ولذلك

الآن أقولها

أحبك..........


تداء عاجل الى اللى بالى بالك..
والان ياحبيتى الاصحاب يتسائلون من تكونى .... هل أعلنها صراحه أم نبعد ونهرب بحنا عن الانظار...
منتظر ردك ..... البروفسير المحب الحيران


شكرا جانا انكى خلتينى اتكلم وشكرا على مروركى مره اخرى

ههههه حلو ياملك الرومنسيه يارب اينولك الي في بالك هههههه ويديك على قد قلبك وحلوة القصيده الي نزلتها جمده ربنا معاك وربنا ايسهلك ويديك الخير يارب ماتقليش حتشحتي اوكي ههههههههههههه

هذي مجموعة اسئله اتمنى اعرف اجاباتكم وبصراحه عليها

1: ياورد مين علمك تجرح ,,, لمن توجه هذه العباره ؟؟

2: اعتذار الرجل للمرأه ذل أم احترام للذات ؟؟

3- هل بحياتك قصة حب الان ؟؟

4- رتب هذه الكلمات على حسب اهميتها عندك -المال - الحب - الصديق - المستقبل المهني - العائلة !!!!

5 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
- مارأيك بالغيره
6- ايهم اكثر وبصراحه استلامك للرسائل خاصه ام ارسالك للرسائل خاصه ---ماذا تقول لمن ظلمك ؟- كتاب حياتك بما تصفه في كلمات معدوده ؟14- شخص تفتقده ,, من هو ؟؟ ليس شرطا ان يكون عضوا !!!!!- لا اسمع لا ارى لا اتكلم ,, متى تطبق هذه المقوله بحياتك ؟
ماهو اكثر شي يحرجك ؟؟ ان اظهر بغير المظهر اللائق امام من احب
- لو الزمان عاد يوما ماالشي الذي ستفعله مره اخرى
ومالشيء الذي لن تفعله مره اخرى

كلمة تتمنى سماعها كل يوم
قرار اتخذته وتسرعت به ومن ثم ندمت عليه؟؟

قم بتوجيه نصائح الى خمس اعضاء قم باختيارهم انت ؟
كم وزنك ؟؟ كم طولك ههههههههههه
سر لاول مره تقوله لنا
ما سبب أختيارك لأسمك المستعار
ما أغرب أسم بالمنتدى

جاوب بقى ياسي محمود وبعدين انت طرت ليه

ازيك يابروف انا هاديلك سوال حلو اوي ممكن بما انك عضو من اعضاء المنتدي تفسرلنا معني الرساله بتاعت المنتدي اللي هيا ان قل احدهم انه يحبك فساله مت موعد الخيانه وممكن لو مافيهاش احراج تلخص لينا قصة حب ليك وازاي انتهت عاوزه الجواب بسرعه

موضوع: رد: كرسي الاعتراف أمس في 2:39 pm

--------------------------------------------------------------------------------
[color=red]
منورنى دايما كوثر كلاكت تانى مره .... ربنا يهدك ويوقف نموك كوثر..... ههههه لاء بجد بعد الشر عليكى ... انتى دايما منورنى والله.. واسالى براحتك كوثر

يلا نجاوب على أسئلتك....[/colo

: ياورد مين علمك تجرح ,,, لمن توجه هذه العباره ؟؟

اممممم.... اهديها الى اللى بالى بالك فى وقتا من الاوقات ... كانت جرحتنى شويه.. بس الحمد الله بدأت تزيل شوك وردها...

2: اعتذار الرجل للمرأه ذل أم احترام للذات ؟؟

أنا جاوبت السؤال ده لنيره ( بنوته كيوت ) وقولت فيه هو احترام للذات .. ولا يقلل من شأن الراجل شئ

3- هل بحياتك قصة حب الان ؟؟

بتكسفنيش يا كوثر.... ايون... ههههههه

4- رتب هذه الكلمات على حسب اهميتها عندك -المال - الحب - الصديق - المستقبل المهني - العائلة !!!!

العائله - الصديق - الحب -المستقبل المهنى - المال ... هذا هو الترتيب من وجه نظرى

5 - اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

لو أنا صاحب المنتدى كوثر والقرار بيدى..... اممممممم.... منع الاختلاط بين الجنسين... ايه رايك ههههههه
يبقا محدتش داخل المنتدى ده أن شاء الله ... وقعد كده على كرسى العرش سلطان زمانى بلاشكاوى ولاه اقتراحات
واقفل المنتدى من الظهر واروح اروح أنام...هههههههه

- مارأيك بالغيره

الغيره حق مشروع للاحباب.... بس بشرط لا يتطور إلى شك كل واحد فى الاخر...


6- ايهم اكثر وبصراحه استلامك للرسائل خاصه ام ارسالك للرسائل خاصه ---ماذا تقول لمن ظلمك ؟- كتاب حياتك بما تصفه في كلمات معدوده ؟14- شخص تفتقده ,, من هو ؟؟ ليس شرطا ان يكون عضوا !!!!!- لا اسمع لا ارى لا اتكلم ,, متى تطبق هذه المقوله بحياتك ؟
ماهو اكثر شي يحرجك ؟؟ ان اظهر بغير المظهر اللائق امام من احب

ايه السؤال المركب ده كوثر .. اوك اجاوبك

ايهما اكثر بصراحه ايه كوثر... ايهما اكثر بصراحه يعجبنى ....بصراحه استلام الرسائل الخاصه... لانه بيحسسنى أنه فى حد فكرنى وبيسأل عنى

اقول لمن ظلمنى... حسبى الله ونعم الوكيل

كتاب حياتى اوصفه بكلمات أغنيه عبد الحليم.... ضحك ولعب وجد وحب

والدى رحمه الله عليه افتقده بشده

لا اسمع لا ارى لا اتكلم.... مقوله لاتوجد فى قاموس حياتى لانى اسمع وارى واتكلم لإنى إنسان لاأخاف إالا من الله عز وجل


ممكن اتحرج لو ظهرتبمظهر غير لائق أمام من أحبتها


- لو الزمان عاد يوما ماالشي الذي ستفعله مره اخرى
ومالشيء الذي لن تفعله مره اخرى

ماأظنش أنه فى حاجه فى حياتى ندمت أنى فعلتها وايضا أنى مافعلتهاش.....لانه فى تللك الافعال هى تجارب اتعلم منها سواء تجربه ناجحه أو تجربه فاشله.... ولاه يفيد الندم على مافات منى من أفعال كان يجب فعلهافى حينه ولايفيد التحسر على فعل كاني يجب إلا عمله فى حينه ايضا

شكرا ليكى كوثر مره ثانيه على مرورك الكريم وأسف للتأخير

الأخ والصديق البروفسير

اشكرك جدا يا بروف ع اجاباتك المتميزة دى

يجد ابهرتنى باسلوبك وبمنطقك

ربنا يحميك ويحفظك


اشكرك مرة اخرى

اية وجهة نظرك فى الحب؟

ايه احسن حاجة فى حياتك يابروف؟

متى تغضب ومتى تفرح واية اكتر شى يغضبك من اعز الناس اليك؟

اية هو اصعب شى فى الدنيا بالنسبالك؟

color=cyan]أزيك كوثر .. كلاكت تالت مره.. منورنى دايما.. يابنت تونس الخضراء أعزك الله وأعز بلاك.....

يلابينا نجاوب على أسئلتك[/color]



كلمة تتمنى سماعها كل يوم

أنا جاوبت على السؤال ده قبل كده .. وقولت كلمه بحبك .. عمرى ماهمل منها الكلمه ديت


قرار اتخذته وتسرعت به ومن ثم ندمت عليه؟؟

وجاوبت برده على السؤال ده قبل كده.. وقولت قرار كانت هاخده بانى كنت هخطب بانسانه مش بحبها ولاكان فى سابق معرفه بينا

قم بتوجيه نصائح الى خمس اعضاء قم باختيارهم انت ؟

ابدأ بيكى كوثر .... ( الصداقه هو الوجه الاخر للحب.... ولكنه الوجه البراق الذى لايصدأ ..)

همس الليل... (لاتيأسى إذا تعثرت أقدامك..وسقطتى في حفرة واسعه .. فسوف تخرج منهاو أنتى أكثر تماسكا وقوة

.. والله مع الصابرين)

جانا .... (قليل من الإدراك السليم، وقليل من التسامح، وقليل من المرح، سوف تدهشى عندما ترى كيف استطعتى أن تربحى نفسك على ظهر هذا الكوكب .)

نهايه بلا احزان وسندريلا الاحزان (انا شايف الحياة ممر طويل ضلمة في ناس محظوظة ساعات بيلاقوا نور يكملوا بيه الطريق وناس بتفضل تدور على النور وبينسوا اصلا يكملوا الطريق...بس الشاطر اللى يتعود على الضلمة ديت ويكمله للاخر باقل خسائر... )


واخيرا وليس اخرا.. حبيتى قلبى بنوته كيوت... اقولها (الإهمال يقتل الحب ، والنسيان يدفنه..)




كم وزنك ؟؟ كم طولك ههههههههههه


هههههههه حلو السؤال ده
طوالى ياستى حوالى 175 سم... وزنى تقريبا 80كيلو جرام..

سر لاول مره تقوله لنا

انا لمحت عليه فى الاسئله السابقه للاعضاء ... بانه قلب البروف دق.. ونبى دق.... ونازل يدق.... وكل يوم بيدق...

ليه .. ومين هى.. وازى... وكيف... هقولك... هههههههه لاء طبعا مش هقولك...وانتى عارفه بقا

ما سبب أختيارك لأسمك المستعار

اسم المستعار له حكايه.... اولا كان اسمى الخبير الاول.. وبعدين عرفت انه مايصحش اتمسى بالاسم ده لانه اسم من اسماء الله الحسنى... فشاورت اصحابى بالامر.. فاختاروا لى اسمى البروفسير.... وصلت

ما أغرب أسم بالمنتدى

اممممم.. اغرب اسم فى المنتدى هو ( كوكو مجود رومنس) يوجد كثيرون فى المنتدى مش فهمينه.... بس أنا فاهمه وعارفه... والعارف لا يعرف واذل ماكنتش عارف اتصرف...هههههههه

منورنى دايما كوثر....

وتقبلى شكرى ووامتنانى الشديد ليكى

الاخ والصديق البروفسير

من هو اقرب حد ليك بالمنتدى؟

انا حبيتكم جدا
دمكم سكر
وان شاء الله هقولكم
على حاجات كتير
بس لما اعرفكم شويه
باى لحد مافتح تانى :@: