كرسي الاعتراف

ممكن انا اسالك شوية اسئلة حبيبتى وارجو الرد؟
1-اية هى اهم حاجة فى حياتك ؟
2-اية الشئ اللى بتتمنية فى حياتك وتكونى سعيدة ؟
3-اية هى اسعد حاجة مرت فى حياتك واية احزن حاجة فى حياتك؟
4-اية اصعب حاجة مرت فى حياتك؟
5-اية الشى اللى بيدور فى دماخك دلوقتى؟
6-اية الشى اللى تلاقى فية سعادتك؟
7-هل شخصيتك بتدل على لبسك؟
8-اية هى طباعك الشخصية؟
9-مقاس جزمتك ايه ههههههه؟
10-وزنك قد اية ياقمر؟
يلا كفاية عليكى الاسئلة دية ويارب تعجبك وتردى عليها كلها

ازيك ناريمان.. منوره الكرسى.. سورى أنى تأخرت عليكى بأسئلتى... يلاااا بينا ندردش سوا انا وانتى شويه ونتمشى احسن من القاعده على الكرسى ده. حتى بعد اللى عملته كوثر فيكى ده والرعب اللى انتى شوفتيه معها ... اهودت نتمشى شويه يمكن تنسى.. ايه مستعده .. بجد انا مش لقى اسئله اسئلك بيها بس احاول عشان اعرفك كويس

1- كلمه نفسك تقوليها لنفسك بس خايفه ماهى ..؟؟؟

2- صفه مش موجود فيكى وتتمنى أنها تبقا موجوده فعلا...؟؟

3- راضيه على نفسك ناريمان كام فى الميه..؟؟؟

4- انتى كنت داخلتى المنتدى اول مره باسم ( انت الحب الوحيد ) من هو المقصود بهذا الاسم.....؟؟؟وليه غيرتى اسمك بعد كده الى نار الحب قبل ان تثبتى على اسم جنه الحب.....

5-انا شوفت من اجاباتك السابقه انكى حسيتى بغدر من خطيبك السابق وانكى ندامه على معرفتك بهذا الشخص... على الرغم بانك فى لعبه من لعب المنتدى وهى اكتب بيانات البطاقه الشخصيه والامنيات اللى نفسك تتحقق قولتى انكى نفسك ترجعى الى خطيبك لانه هو الحب الوحيد... مش معى انه فى تناقض فى كده... اذا حابه انكى تعلقى اوك اذا مش حابه ولاه كانى سالت هذا السؤال...

6- الحياه خير معلم ... فماذا تعلمتى منها ناريمان لحد الان ..؟؟

7- هل تعقدين بأن حظك سيئ فى هذه الدنيا ..؟؟؟

8- مالذى يلفت انتباهك بسرعه فى الشخص لكى تعجبى بيه..؟؟

9- ياورد مالك بلا لون .. وانا الذى فيك مفتون.. ماغيرك حد فتنى.. هذه العباره موجه لمين...؟؟

10- وراك وراك مكان ماتكون.. تقولى الجمله ديت لمن ....؟؟

11 ما هى أحلى ذكرى فى حياتك مش ممكن تنسيها ..؟؟

12 - من وجهة نظرك هل الحب بدايه ابتسامه أم مقدمه للدموع ..؟؟

13 - ايهما اصعب من وجهة نظرك عذاب الحب ولاه خيانه الحب..؟؟

14- على من تدمع عينيى ناريمان على فراق الحب أم فراق الصديق ..؟؟؟

15- الكلمات الاتيه تمثل ايه بالنسبه لناريمان ..
الحب - الصداقه - الغدر- الفراق - الاخت والاخ - الوالدين - منتدى كلام فى الحب

16-بالنسبه لموضوع حب النت ايه رايك فيه.. واذا كان رايك بالايجاب .. ممكن تقولنا الاسباب والخطوات اللى ممكن تتعمل لانجاح هذه العلاقه..؟؟

17- اخيرا دعوه تتمنياها لنفسك ودعوه لحد قريب منك..؟؟

كده انا خلصت اسالتى ومعليش اذا كنت طولت فى اسئلتى ليكى....
مع تمنياتى الشخصيه بالتوفيق فى حياتك الشخصيه وبان يكون الحب والسعاده هما عنوان حياتك القادمه

السلام عليكم ... محمود

اختى حبيتى نورتنى باسئلتك واكيد هجاوب عليها برغم ا نك عارفة كل حاجة

1-اية هى اهم حاجة فى حياتك ؟
انى ارضى اهلى

2-اية الشئ اللى بتتمنية فى حياتك وتكونى سعيدة ؟
انى احب

3-اية هى اسعد حاجة مرت فى حياتك واية احزن حاجة فى حياتك؟

يوم خطوبتك ياحبيتى

انما الحزن كان يوم موت عمى

4-اية اصعب حاجة مرت فى حياتك؟
كان يوم خطوبتى

5-اية الشى اللى بيدور فى دماخك دلوقتى؟
انى احب واعيش حياة سعيدة مع الانسان اللى بحبة ويحبينى

6-اية الشى اللى تلاقى فية سعادتك؟
انى فى وسط اهلى اللى بيحبونىبجد

7-هل شخصيتك بتدل على لبسك؟
ممكن

8-اية هى طباعك الشخصية؟
عصبية وطيبة مش عارفة

9-مقاس جزمتك ايه ههههههه؟

ههههههههههههههههههههه كفاية انتى عارفة لا تعليق

10-وزنك قد اية ياقمر؟

ههههههههههههههههههههه

لية الكسوف دة

47 بس خليها فى سرك ماشى

نورتنى باسئلتك ياحبيتى

يلا ربنا يسعدك نونوعلى الاسءله ههههه

فعلا والله بعد الرعب اللى شوفتة من كوثر عايزة امشى شوية عشان اهدى اعصابى بس ياترى هنتمشى فين اقولك اية رايك نروح نتمشى على شاطئ الاسكندرية عشان الاجابات تطلع تلقائية هههههههه

يلا نشوف اسئلة ياالبروف

بسم الله الرحمن الرحيم

1- كلمه نفسك تقوليها لنفسك بس خايفه ماهى ..؟؟؟

ان ربنا يهدينى للطريق المستقيم

2- صفه مش موجود فيكى وتتمنى أنها تبقا موجوده فعلا...؟؟

الصبر وانى مااثق بالناس بسرعة

3- راضيه على نفسك ناريمان كام فى الميه..؟؟؟

99%

4- انتى كنت داخلتى المنتدى اول مره باسم ( انت الحب الوحيد ) من هو المقصود بهذا الاسم.....؟؟؟وليه غيرتى اسمك بعد كده الى نار الحب قبل ان تثبتى على اسم جنه الحب.....

لاتعليق

5-انا شوفت من اجاباتك السابقه انكى حسيتى بغدر من خطيبك السابق وانكى ندامه على معرفتك بهذا الشخص... على الرغم بانك فى لعبه من لعب المنتدى وهى اكتب بيانات البطاقه الشخصيه والامنيات اللى نفسك تتحقق قولتى انكى نفسك ترجعى الى خطيبك لانه هو الحب الوحيد... مش معى انه فى تناقض فى كده... اذا حابه انكى تعلقى اوك اذا مش حابه ولاه كانى سالت هذا السؤال..

لاتعليق.

6- الحياه خير معلم ... فماذا تعلمتى منها ناريمان لحد الان ..؟

عدم الثقة بالناس

7- هل تعقدين بأن حظك سيئ فى هذه الدنيا ..؟؟؟

لاء / حظى مش سيئ علشان اهلى راضين عنى

8- مالذى يلفت انتباهك بسرعه فى الشخص لكى تعجبى بيه..؟؟

بيخاف ربنا وذكائة وثقة بنفسة وطموح

9- ياورد مالك بلا لون .. وانا الذى فيك مفتون.. ماغيرك حد فتنى.. هذه العباره موجه لمين...؟؟

10- وراك وراك مكان ماتكون.. تقولى الجمله ديت لمن ....؟؟

اقولها لاهلى وحبيبى

11 ما هى أحلى ذكرى فى حياتك مش ممكن تنسيها ..؟؟

خطوبة اختى

12 - من وجهة نظرك هل الحب بدايه ابتسامه أم مقدمه للدموع ..؟؟

لو حب صادق بداية ابتسامة

13 - ايهما اصعب من وجهة نظرك عذاب الحب ولاه خيانه الحب..؟؟

كلامها واحد لانة فى الاخرعذاب وخيانه

14- على من تدمع عينيى ناريمان على فراق الحب أم فراق الصديق ..؟؟؟

على الاتنين بس الاكتر الصديق لانة بيقى صديق العمر وعمرة مايتعوض

اما الحب كنت ماليت امالى معاة واكيد هيتعوض

15- الكلمات الاتيه تمثل ايه بالنسبه لناريمان ..
ا لحب - الصداقه - الغدر- الفراق - الاخت والاخ - الوالدين - منتدى كلام فى الحب

الحب؛ هو الشعور الذى يمتلك الانسان فى داخلة ويطوف به العالم حيث يشاء بافراحه واحزانه

الصداقة كلمة جميلة لكل حرف فيها دلالى مثلا حرف الصاد معنى صدق ينبع من داخل النفس الانسانية
حرف الدال دفْ مصدرة الوجدان والمشاعر الصادقة
حرف الاف امل واعجاب واخلاص
حرف القاف قوة فى المودةالرابطة
حرف الهاء هنا وهباء

الغدر؛ هو هدم كل شئ جميل بين الناس وطعنة فى الظهر

الفراق؛ يوجد انواع كثيرة من الفراق
فراق الموت هو الفراق الابدى ولة لقاء ثانى يوم القيامة
فراق الاحبة فد ة فراق ابدى ولا يوجد لة راجعة
فراق الاصدقاء هو طعنة فى ظهر الصديق

الاخت والاخ؛ همل كل شئ فى حياتى

الوالدين؛ همل مثلى الاعلى فى الحياة واهم شئ عندى

منتدى كلام فى الحب؛ يمثل ملتقى الاصدقاء

16-بالنسبه لموضوع حب النت اية رائيك فيه.. واذا كان رايك بالايجاب .. ممكن تقولنا الاسباب والخطوات اللى ممكن

تتعمل لانجاح هذه العلاقه .

برأيى الحب ينجح لو كان عبر الاقمار الصناعية فقط اذا توفر فية شئ واحد الصدق والغرض الشريف

17- اخيرا دعوه تتمنياها لنفسك ودعوه لحد قريب منك..؟؟

ان ربنا يهدينى /ان ربنا يشفى ابى وامى

شكرا لك محمود على اسئلتك الجميلة دى وربنا يوفقك فى حياتك
نورتنى ويارب اجاباتى تكون كويسة

ازيك يا نيموووووو يا قموره
طبعا انتي منوره الكرسي دي مافيهاش كلام

يلا ندخل علي الاسئله

. هل تجيدين الطبخ؟؟

. هل تهتمين بمكياجك عند الخروج من البيت ؟

. اعرف انك تحبين والديك لكن من تحبين اكثر اباك ام امك ؟ ؟

. أتحبين الكلام مع صديقاتك عن مغامراتك الغرامية ؟

8. أتخافين العزلة والظلمه ؟

. أتحتاجين دائماً إلى مظاهر خارجية من العطف و الحب ؟

. أتهتمين كثيراً برأي الآخرين ؟

. أتشعرين أحياناً بأنك مذنبة دون أن تعرفي لماذا بالضبط ؟

12. أتشعرين بحاجة ماسة لأن تحاطين بالعطف ؟

. هل لديكِ الكثير من ذكريات الطفولة ؟

. أتؤمنين بالقضاء والقدر ؟

. أتحبين بصورة خاصة أن تكوني ( مع صديقات ) ؟

. هل انت واثقه من نفسك 100% او 80% او 50% ؟

. هل يزعجك احد بالمنتديات ؟

. أتحبين السفر دون مرافق من اهلك؟

اكتبي 3 صفات للشخص اللي عاوزه ترطبتي بيه المستقبل

اكتبلنا خمس اعضاء بنات بتحبيهم في المنتدي

وخمس اعضاء شباب بتحبيهم برضوا

اشكر نيمو
تحياتي ليكي
ايمي

[b]طيب ياااااااا جماعه واضح ان نيموا انتهت علي الكرسي بطلب انكوا ترشحوا حد مكانها[b]

طيب كرسي الاعتراف وقف
لا لازم يشتغل ويصحي تاااني
النهارده معانا ميزووو علي كرسي لاعترااااااااااااف منور ياميزو

ميزو
انت امتا اول مره حبيت فيها ويترا حبيت بجد ولا هههههه
ويترا هيا معنا هنا ولا هههههههههه
وبس كفايه كدا

منور الكرسى يا ميزو
1- من هو ميزو بالنسبه لنفسه؟
2- ايه اكتر حاجه بتحبها فى اصحابك؟
3- مين اكتر شخص قريب منك؟
4- بتحب ايه فى حياتك؟
5- لو القتل محلل تقتل مين؟
بس كدا كفايه
تقبل تحياتى
دودو

ميزو

منور يا جميل

انا اسألتي قلتها قبل كدا بس بحب اعرف عن الناس الحاجات دي

وخصوصا لما يكون صديق واخ زيك

1- ايه هي امنيتك اللي بتتمني تحصل دلوقتي وانت بتقرأ سؤالي دا

2- ايه هي امنيتك اللي بتتمني تحصل قدام ؟

3 - ايه هو هدفك يا ميزو ؟

4 - لو حياتك كتاب وكل يوم بتمر بيه ليه صفحه في الكتاب دا

وجتلك الفرصه انك تقتطع صفحه منه .. هتقطع صفحه ولا ؟.. وايه اللي مكتوب وحصل فيها عشان تقطعها ؟

5 - مين هو قدوتك ومثلك الاعلي بعد ربنا مثلنا الاعلي ورسوله سيدنا محمد ؟

6 - ايه هي الحاجات اللي بتتمني انها تتغير او تتجدد او تكون موجوده في المنتدي ؟

بكدا اكون انتهيت من اسألتي بشكرك واتمني انها ما تكونش صعبه او فيها اي احراج

تقبل مروري ومشاركتي

شوفت ياجميل الكرسي بيرقص ليه طبعا ماهو من حلاوة ميزو عليه

ميزو انا اللي مرشحاك ارفع راسي اوكيشن قولتلي اوكيشن ماشي
نبدا اسئله بقي نبدا 1\2\3\ريدي
ةوالان هيا بنا الي الاسئله
الى اي مدى تثق في البنت ؟

الي من تقول كلمه صادقه من قلبك ؟

مين هو المطرب المفضل ليك؟؟؟؟؟؟؟؟؟

ايه افضل رياضه عندك؟؟؟؟؟؟؟؟

ميزو انت في علاقه مفتوحه؟؟؟؟؟؟؟؟لو كان ايوه اول حرف منها؟ لو كان لا خلاص

ميزو ايه رايك في الحب بصراحه؟؟؟؟؟؟؟؟؟

كم مره قولت بحبك؟؟؟؟؟؟؟

انت فشلت في الحب قبل كدا؟؟؟؟؟

ميزو ايه رايك في حب النت؟؟؟؟؟

ميزو قلي بقي
خمس اعضاء بنات بتحبهم اوي في المنتدي؟؟؟؟؟؟؟؟؟

وخمس اعضاء شباب بتحبهم اوووووي في المنتدي؟؟؟؟؟

طيب ايه رايك في الاسئله؟؟؟؟؟؟؟؟؟ وايه رايك في المجنونه صاحبتها

ايه دا انا ع الكرسى من غير ماعرف

مش تقولوا من بدرى علشان اجهز

ع العموم اذا كان كدا .... ماشى

يلا بقى اجاوب ع الاسئله

الاموره ايمي كتب:: طيب كرسي الاعتراف وقف
لا لازم يشتغل ويصحي تاااني
النهارده معانا ميزووو علي كرسي لاعترااااااااااااف منور ياميزو

مرسى يا ايمى على ترشيحك ليا

ويارب اكون ضيف خفيف على الكرسى وعليكم كمان

وربنا يقدرنى واجاوب على اسلحه الدمار الشامل اللى انتوا جايبنهم دول

بس كنت عايز اسأل سؤال و العضو بيفضل كام يوم على كرسى الاعتراف هههههههه

ميزو

نعم يا احمد

انت امتا اول مره حبيت فيها ويترا حبيت بجد ولا هههههه

اول مرة بمعنى الكلمه كنت فى 5 ابتدائى بس ده ماكنتش يتسمى حب

تقدر تقول عليه جنون اطفال بس اول مرة بجد وانا فى اولى اعدادى

اكيد يا احمد كان بجد

ويترا هيا معنا هنا ولا هههههههههه

هههههههههه لا هيا مش معانا هنا الحمد لله

وبس كفايه كدا

منور الكرسى يا ميزو

منور بيكى يادودو

1- من هو ميزو بالنسبه لنفسه؟

رغم انى مش فاهم السؤال بس هجاوب على اد مافهمت
انا بالنسبه لنفسى شاب عادى ليه احلام زى كل الشباب بتمنى انها تتحق ان شاء الله
وبتمنى ان ربنا يوفقنى فى حياتى واقدر ارضى ربنا اولا ثم نفسى ثانيا

2- ايه اكتر حاجه بتحبها فى اصحابك؟

انا ليا اصحاب كتير وكل صاحب بحب فيه حاجة معينة
مثلا ليا صاحب بحب فيه طيبته وواح تانى بحب فيه عناده وواحد تالت بحب فيه شخصيته و ...

3- مين اكتر شخص قريب منك؟

والدتى

4- بتحب ايه فى حياتك؟

بحب فيها كل مافيها بحلوها ومرها

5- لو القتل محلل تقتل مين؟

من الاشخاص هقتل الكذاب والمنافق والخاين
لو شئ مادى هقتل الغرور

بس كدا كفايه
تقبل تحياتى
دودو

ميزو

نعم يا زعيم

منور يا جميل

منور بيك يا حبى

انا اسألتي قلتها قبل كدا بس بحب اعرف عن الناس الحاجات دي

وانا تحت امرك

وخصوصا لما يكون صديق واخ زيك

واكتر كمان يا محمد

1- ايه هي امنيتك اللي بتتمني تحصل دلوقتي وانت بتقرأ سؤالي دا

انى اشوف كل واحد سعيد وراضى بحياته وعايش بحريته
ومش خايف من المستقبل وكمان ان احوال البلد تنصلح

2- ايه هي امنيتك اللي بتتمني تحصل قدام ؟

اشترى عربيه
وكمان انى شوف المنتدى ده احسن منتدى بفضل اعضائه ومشرفيه والاداره

3 - ايه هو هدفك يا ميزو ؟

انى اتخرج ولاقى الوظيفة بس اعتقد ان الحاجة التانيه دى مستحيله فى الزمن ده
والقى بنت الحلال هههههههههههههه

4 - لو حياتك كتاب وكل يوم بتمر بيه ليه صفحه في الكتاب دا

وجتلك الفرصه انك تقتطع صفحه منه .. هتقطع صفحه ولا ؟.. وايه اللي مكتوب وحصل فيها عشان تقطعها ؟

لا مش هقطع برغم ان فيه صفحات كتير المفروض تتحرق مش تتقطع
بس لازم اعيش الحياة واتعلم منها علشان كده مش هقطع اى صفحه
لان محش بيتعلم ببلاش

5 - مين هو قدوتك ومثلك الاعلي بعد ربنا مثلنا الاعلي ورسوله سيدنا محمد ؟

والدى الله يرحمه

6 - ايه هي الحاجات اللي بتتمني انها تتغير او تتجدد او تكون موجوده في المنتدي ؟

بصراحه ومن غير مجامله انت ماسبتش حاجة ممكن اقولها
بجد كل حاجة زى الفل وتمام واكيد لو شفت حاجة هقولك عليها

بكدا اكون انتهيت من اسألتي بشكرك واتمني انها ما تكونش صعبه او فيها اي احراج

لا مفيش احراج بالعكس انا كنت سعيد بيها جدا

تقبل مروري ومشاركتي

شوفت ياجميل الكرسي بيرقص ليه طبعا ماهو من حلاوة ميزو عليه

ربنا يخليكى يا ايمى مرسى ياقمر على الكلام الحلو ده

ميزو انا اللي مرشحاك ارفع راسي اوكيشن قولتلي اوكيشن ماشي
نبدا اسئله بقي نبدا 1\2\3\ريدي
ةوالان هيا بنا الي الاسئله

اكيد اوكشن

الى اي مدى تثق في البنت ؟

قبل كده كام 90 %
لكن دلوقتى 55 %

الي من تقول كلمه صادقه من قلبك ؟

بصراحة مش فى دماغى حد دلوقتى
بس هقول لأعضاء المنتدى ياريت تحافظا على المنتدى ونتقدم بيه للأمام كلنا ونخليه احلى منتدى

مين هو المطرب المفضل ليك؟؟؟؟؟؟؟؟؟

اكيد طبعا عمرو دياب فى المقدمة
معاه حماقى على تامر عاشور على ....

ايه افضل رياضه عندك؟؟؟؟؟؟؟؟

كرة القدم طبعا والبلاي استيشن

ميزو انت في علاقه مفتوحه؟؟؟؟؟؟؟؟لو كان ايوه اول حرف منها؟ لو كان لا خلاص

هو كان فيه بس دلوقتى لا
وانا هطلع كريم معاكى وهقول الاسم كله مش اول حرف
اسمها مى

ميزو ايه رايك في الحب بصراحه؟؟؟؟؟؟؟؟؟

الحب ده احلى كلمة لسه موجوده لحد دلوقتى
بس لو حب صادق وجاد مفيش مشكله
لكن لو تسليه وتضييع وقت يبقى مالوش لازمة

كم مره قولت بحبك؟؟؟؟؟؟؟

يااااااااااااااااااااااااه انا قلتها كتير ههههههههههههههههه
بس الحمدلله كانت لبنت واحده بس

انت فشلت في الحب قبل كدا؟؟؟؟؟

اه
كان حب اول زى مابيقولوا وفشل
ومجربتش تانى

ميزو ايه رايك في حب النت؟؟؟؟؟

ده ماسموش حب من وجهة نظرى

ميزو قلي بقي

بقى

خمس اعضاء بنات بتحبهم اوي في المنتدي؟؟؟؟؟؟؟؟؟

بجد كل البنوتات بحبهم وبعتبرهم اخواتى بالظبط بس كدا انا هيبقى عنى اخوات كتير اوى ههههههههه
رغم انى ماليش اخوات بنات خالص بس مفيش مشكله انا موافق
لكن فيه الاعضاء اللى انا اعرفهم واتكلمت معاهم زى
ايمى - مى الرومنسيه - كوثر - ناريمان - حياه - نهى - مروة - بسبوسه - ديدى همس .....
انا كده هقول كل اللى فى المنتدى
بجد كلهم اخواتى واكتر كمان

وخمس اعضاء شباب بتحبهم اوووووي في المنتدي؟؟؟؟؟

نفس الكلام بالظبط بالنسبة للشباب كلهم اخواتى برده بس هقول شويه
محمد الزعيم - احمد ميدو - ميدو كنج - زكى ....
دول اللى اعرفهم واتكلمت معاهم بس اكيد كل الاعضاء بعتبرهم اكتر من اخوات

طيب ايه رايك في الاسئله؟؟؟؟؟؟؟؟؟ وايه رايك في المجنونه صاحبتها

الاسئله بجد جميله وطلعت من جوايا كلام كتير ماكنتش اتوقع انى اقوله

اما بالنسبه للمجنونه صاحبتها فانا مش هقدر اقول حاجة لانها عارفة انا لو قلت رأئى مش هخلص كلام
واعتقد انها عارفه رأئى او زى ماهيا قالت بنفسها " المجنونه "

بجد يا ايمى مرسى على ترشيحك ليا
وكمان ع الاسئله اللى بعتبرها جريئة
وبشكر كمان كل الاعضاء اللى عملوا اسئله
وفى انتظار باقى الاعضاء فى اى اسئله تانيه انا مستعد

]size=18]

شكرك ياقمر علي اجاباتك بجد اجابات جميله من شخص محترم زيك
انا عاوزه اقولك انك بعد ما الاعضاء بيخلصوا اسئله خالص انت بتقول انا برشح اي حد تختاره
ميرسي يا ميزو علي الاجابات ةربنا يقويك
شد حيلك انت في مكان صعب

[/size]

يا ترا مين دا الى عليه الدور

شكرك ياقمر علي اجاباتك بجد اجابات جميله من شخص محترم زيك

ربنا يخليكى ايمى بجد مرسى

انا عاوزه اقولك انك بعد ما الاعضاء بيخلصوا اسئله خالص انت بتقول انا برشح اي حد تختاره

ان شاء الله يا ايمى بس لما نشوف هيخلصوا امتى وربنا يستر

ميرسي يا ميزو علي الاجابات ةربنا يقويك
شد حيلك انت في مكان صعب

ahmedmedoo كتب:: يا ترا مين دا الى عليه الدور

لما الاعضاء يخلصوا الاسئله يا احمد اكيد هتعرف

منور الدنيا والكرسي ميزو باشا

كرسي الاعتراف - صفحة 17 Attachment

مرسى ياكوكو

المنتدى منور بيكى وبكل اعضائه

ايه معندكيش اسئله ولا ايه

ع العموم الحمد لله ههههههههههههه

ازيك يافلة
منورة كرسى الاعتراف ياقمر
انتى طبعا ما تعرفنيش بس يشرفنى تقبلينى صديقة واخت
ونفسى تجاوبى على اسئلتى
وهى
1- ايه رايك فى الحب ؟
2- فى رأيك انتى لماذا نحب ؟
3- لو فى يوم حبيبك انهى اللى ما بينكم بدون ما يديكى سبب وبعد فترة رجع لك واعتذر وحكى لك على الظروف اللى خلته يعمل كده ممكن تسامحيه بسهولة مع انه كان سبب جرحك وبسببه كرهتى الحب وفقدتى الثقة فى الجميع

ارجو الرد
وتقبلى مرورى واحترامى

» كرسي الاعتراف مع الزعيم
» كرسي الاعتراف مع mido.king
» " كرسي الاعتراف " اسئلة جريئة وصريحة...
» كرسي الإعترافات المطبخي .. تعالو كوووولكم ..!
» لعبه كرسى الاعتراف